Heiðursformaður Sjálfstæðisflokksins og samherjar Samherjanna

Þokkalegt atarna. Á nú að telja manni trú um að Katrín Jakobsdóttir, heiðursformaður Sjálfstæðisflokksins, hafi einhverja hugmynd um hvað átt er við með ,,einbreiðri brú"? Sannleikurinn er sá, að telpan Katrín var gjörsamlega ókunnug hugtakinu ,,einbreið brú" þar til í gær að einhverjir fór að reyna að troða því inn í stórgáfað höfuðið á henni. Ekki er heldur vitað til þess að Katrín hafi nokkru sinni farið yfir einbreiða brú, akandi eða gangandi. Hinsvegar hefur Katrín haldið sig nær eingöngu í bómullarkassa á háskólalóðinni alla sína hundstíð og er því nokkur vorkun þegar skilningur hennar brestur þegar fullorðið fólk fer að tala um einbreiðar brýr og þessháttar.

Upp á síðkastið hefir það svo gerst, að frægir menn, alveg jafn stórgáfaðir og Katrín sjálf, hafa skrifað lærðar greinar um að Katrín muni ekki síðar en bráðlega verða formaður Sjálfstæðisflokksins, hún er einungis heiðursformaður Sjáfstæðisflokksins enn sem komið er, og þar með fullgilt gluggaskraut í eigu hins virðulega flaggskips íslenskrar borgarastéttar. Það má með sanni segja, að Katrín hefir æfinguna í að vera gluggaskraut, en hún hefir löngum leikið gluggaskraut fyrir Steingrím og Svavarsfjölskylduna í útstillingarglugga VG. Og ugglaust verða Katrín og sendiherradóttirin Swandeesý dubbaðar upp til sendiherra þegar talið verður að farið sé að falla um of á yfiborslegan glæsileik þeirra. Það er réttlætið.

Já, mikil er upphefð elítunnar í VG, Flokkseigendanna miklu, sem löngum gerðu sér til dundurs að leika á íslenskt alþýðufólk. Snemmindis varð Steingrímur joð vel þokkaður í augum helstu snillinga burgeisastéttarinnar, Svavar var heiðraður með sendiherratign, líka Arni Þór, og Davíð og Halldór settu Svarssystirina yfir Gljúfrastein. Þá gerðust Steingrímur, Svavar og Álfheiður, fljótt eindregnir samherjar Samherjanna í LÍÚ og léttadrengur Svavars, ,,hagfræðiprófossinn" Ragnar Árnason, var gerur að sérstökum hugsuði og hugmyndafræðingi fyrir stórútgerðina. Pétri karlinum Þríhrossi munaði ekki um að segjast vera það sem á útlendum málum er kallað sósíalist, - viðrinunum í Flokkseigendafélagi VG munar ekki heldur um að þykjast vera sósíalistar, enda eru þau sömu tegundar og Pétur Þríhross, eini munurinn er að þau eru mun auðvirðilegri.  

Einbreiðar brýr sérstakt vandamál