Jóhannes Ragnarsson

10.1.2019 | 18:45

Náfrænkurnar Vigdís og Kolbrún á hálum ís

Nú skal láta sverfa til stáls af háfu stjórnmálaskörunganna Vigdísar Hauks, sem Framsókn hafnaði, og Kolbrúnar Baldurs, sem Íhaldið vildi ekki sjá, og koma borgarstjóra Reykjavíkur í tugthúsið fyrir hræðilega glæpi í gamla stríðsbragganum í Nauthólsvík. Miðað við þann hug sem er í fyrrgreindum stjórnmálaskörungum munu þær ekki telja eftir sér að koma böndum á Dag B. og draga hann á höndum yfir Hellisheiði og austur á Litla Hraun. Ef þær frændsystur fengju að ráða mundu þær glaðar dæma afbrotamanninn Dag B. í ævilangt fangelsi með þeirri kvöð að þann dóm mætti aldrei milda eða fella niður.

Þess ber auðvitað að geta, að Vigdís og Kolbrún eru náfænkur, báðar komnar út af spánverjanum Don Kíkóta og hafa í blóði sínu sanna áráttu til að berjast við vindmyllur. Til að mynda hefir Vigdís þráfaldlega hjólað í hinar og þessar myllur og haft það eitt upp úr krafsinu að fá myllublað í hausin og kastast sem fífupoka langt út í móa. Frú Kolbrún, sem er gömul vildarvinkona frú Ingveldar, er að vísu ekki eins hamrömm og Vigdís kerling, hún var búin að fá sig fullsadda af því að berjast við drauga, djöfla og vindmyllur innan Sjálfstæðisflokksins og lagði á flótta og fékk poletíkst hæli hjá frú Sæland í Fokki Fólsins, en sá merkisfélagsskapur er að hálfu leyti klausturflokkur upp á sigmundsku og auk þess alveg frábærlega kauðskur að allan annan hátt, en hann er fínn fyrir frú Kolbrúnu.

En þegar ríkisstjórnin verður búin að seinnka eða flýta klukkunni um einn eða fleiri klukkutíma þá falla stjörnur eins og stjórnmálaskörungarnir Vigdís og Kolbrún eins og útkulnaðir vígaknettir út af festingunni, því það litla sem regla er á í þeirra andlega lífa mun ekki þola tímabreytinguna þar með má telja þær út og koma þeim fyrir á safninu fyrir ónýta stjórnmálaskrjóða. Og ef þær vísa braggamálinu til lögreglu er viðbúið að lögreglan hantaki þær og komi þeim í höndur fagfólks, sem fær það verkefni að ráða fram úr vanda þeirra.