Sathan sjálfur að verki á Spáni

Á bak við þessa umdeildu styttu stendur Sathan sjálfur, það bregst mér ekki. Hann hefir lagað hana sjálfur eftir eigin smekk og látið alla helstu apaketti og auðnuleysinga Segóvíju á Spáni fara í það að setja herlegheitin upp. Það er ekki nema vona að guðhræddir Spáníjólar, kaþólskir og ábyrgðarfullir vilji taka þennan sathansdjöful í styttulíki niður og bræða hann í kjarnorkuofni.

Þetta tilfelli segir okkur líka að Sathan, hann sjálfur í eigin persónu, sem um þessar mundir staddur á Spáni, sjálfsagt þeirra erinda að gera Spánverja vitlausa so þeir vaði í borgarastríð og stráfelli hvurn annan þar til ekki stendur steinn yfir steini. 

En fyrr má nú vera, að skynugir kaþólikkar þekki ekki Sathan undir eins á vinnubrögum hans. Auðvitað gjörir Skrattinn myndir af sér þar sem hann er sætur, hress, kammó og glaður í því skyni að afvegaleiða ráðleysingja sem vita ekki fótum sínum forráð og leggjast á sveif með honum og gjöra dýrð hans sem mesta og veg hans hin breiðasta. Þegar Stahan hefir komið sér vel fyrir mun hann reisa andskotann Franco, eftirlæti fasista og nasista, upp frá dauðum og láta hann hafa sigur á ný yfir alþýðu Spána.

Satan þykir of djöfulli hress