Jóhannes Ragnarsson

2.2.2019 | 20:39

Og hann á eftir að bæta miklu við sig

Að sjálfsögðu bætir Sósíalistaflokkur Íslands við sig og hann á eftir að bæta miklu við sig á næstu misserum og árum. Á eignu ári hefir Sósíalistaflokknum tekist að fá fulltrúa kosinn í borgarstjórn Reykjavíkur og náð eftirtektarverðum sigrum innan verkalýðshreyfingarinnar. Og það sem meira er: Það er bæði líf og jarðsamband í Sósíalistaflokknum meðan aðrir flokkar hafa einungis Líf, Bjarnaben og samband við óheiðarleikann.

Hinsvegar er meir en undarlegt að aðrir flokkar fái þann stuðning í könnununni sem þeir þó fá. Fyrir það fyrsta væri eðlilegt að Fokk Fólsins og Miðflokkurinn þurrkuðust alveg út, fengju 0.0%, sem samt er yfirdrifið nóg fyrir þá hlandblautu pappakassa. 1,5-2,5" væru hæfileg fyrir ómyndarrugl eins og Viðreisn og Pírata, sem og Samfylkingu og VG, en fylgi Sjáfstæðisflokks og Framsóknar ætti að öllu eðlilegu að vera á bilinu 5-7%, alls ekki meira, því þetta eru fullkomlega kríminelt samtök og samfélagshættuleg. En þar eð kjósendur hafa verið ruglaðir, firrtir og blekktir á skipulagðan hátt með lygum og hálflygum úr kjaftinum á glæparuddum, er svo sem ekki við öðru að búast hvað niðurstöður skoðanakannana varðar.

Þá er eitthvað meir en lítið kyndugt við þá vitleysu að stuðningur við ríkisstjórnarnefnuna séu heil 49%! Aldrei heyrir nokkur maður nokkurn óbreyttan kjósanda mæla ríkistjórninni bót; þeim mun fleiri hafa uppi stór orð um aumingja, svikara, ýmis afbrigði nagdýra og ófyrirleitna stórnmálaskúma, þegar þeir úttala sig um ríkisstjórnina og krimmasamtökin sem að henni standa. Margir hafa orð á byltingu, þó þeir viti svo sem ekki í smáatriðum í hverju hún á að vera fólgin. Það er auðvitað helber barnaskapur að halda að nóg sé að steypa núverandi ríkisstjórn niður í ystu myrkur. Þegar bylting er gjörð, ber alþýðunni fyrst af öllu að taka öll völd af auðvaldinu og arðræningjamelrökkunum, sem halda auðvaldþjóðskipulaginu úti, og í því sambandi er átt við öll völd. Einhver kann þá að varpa fram spurningunni: hvað á þá að gera við auðvaldsfólkið þegar það er orðið valdalaust? Svarið við því er, að því verður komið í vinnu hjá veitingastofum og ferðaþjónustugróssérum, sem munu ekki láta sé muna um að stela annarri hvurri krónu af kaupinu þeirra; eða þeim verur komið fyrir við brottkastslúgurnar á galeiðum kvótagreifanna; eða í andstyggilegum kerskálum stóriðjuveranna. Jújú, það verður nóg fyrir auðvaldsgerpin að dunda við fyrsta kastið eftir byltinguna, en þegar það verður búið geta þeir farið til Trumpsins í Bandaríkjunum og starfað við að hlaða upp rammgerðan múr til að varna Mexíkóum að koma ólöglega til Trumpríkjanna.