Fékk að launum fáeinar kílóvattstundir og brann nánast yfrum

Upphaflega voru ólar sem gefa frá sér rafstraum ætlaðar til að hafa á búrtíkur stjórnmálamanna, en einhverjir spaugarar fóru að setja þær á hunda. Vissulega er venjulegum smalahundum meinilla við að hafa sona belti um hálsinn, því þau gefa ægilegt raflost frá sér ef hundurinn geltir og veltast þá um ýlfrandi og skrækjandi. Búrtíkur póletikusanna, sem eru með hundaóla, fá hinsvegar ekki straum í sig fyrr en þær fara að gelta að þeim sem ekki er ætlast til að þær gelti að; þannig fór fyrir hinni frægu búrtík Stengríms J., henni varð á í messunni og fékk að launum fáeinar kílóvattstundir í sig og brann nánast yfrum.

Önnur fræg búrtík, sem hefir aldrei gelt að neinum sem hún á ekki að gelt að, fékk samt trukk í sig að því það leiddi einhverstaðar út og rassinn á kvikindinu steiktist hálfpartinn og síðan hefir fúl steikaralykt fylgt greyskarninu. Á síðari árum hefir mjök færst í vöxt að fólk hafi fengið sér búrtík og hefir heilmikil verslun orðið til í kringum það.

Atvinnurekendur hafa löngum gert út búrtíkur, mjök hvimleiðar og hvefsnar, tannbrunnar og með sýkingar af ýmsu tagi í skoltunum. Þetta eru sannkölluð illyrmi, sem hafa hátt um hve óréttlæti húsbænda þeirra er réttlátt og fátækt þeirra tvísýn. Þessi villudýr eru líka sérhæfð í harmagráti og eru oft hamslaus á því sviði, og kemst margur við að heyra á óhljóð þeirra og móðursjúk búrtíkalæti. En það má Guð Drotinn eiga, að hann tók í taumana þegar versta og grimmasta búrtík atvinnurekenda var á hátindi íllsku sinnar og hleyti svo höstugum rafstraum úr tíkaról hennar að hún steindrapst á stundinni og það steig samstundis kolsvartur reykjarbólstri upp á hræinu; þetta gerðist í þrumuveðri og lét Guð Drotinn eina skrugguna hæfa hálsólina og setja allt í bál og brand.

„Hrottaskapur og heimska“