Uppátæki Katrínar gæti dregði dilk á eftir sér

Hún Katrín Jakobsdóttir veit og skilur hvað hún segir. Eða er það ekki? Að vísu er glamrið í henni einungis bergmálið af hryglunum og kumrinu í Steingrími, Sendiherranum og Álfheiði, en þau er nú svo merkilegt fólk, með sérstöðu innan auðvaldssamfélagsins, að allt er satt og rétt sem frá þeim kemur. Og enn er fjallað um glæsilega framgöngu Hatara í Ísrael sem ,,uppátæki" og þar með gefið í skyn að þeir séu aðeins krakkayrðlingar, heldur vanþroska og framhleypnir, sem hafi ekki vitað hvað þeir voru að gera og aunginn eigi að taka minnsta mark á.

Í þessu sambandi var óþarfi fyrir Katrínu að glopra út úr sér við blaðamann, að Ísland hafi viðurkennt Palestinu sem fullvalda ríki, um soleiðislagað á auðvitað að þegja, því það fellur líka undir hugtakið ,,uppátæki" eins og ,,uppátæki" Hatara. Þarna var Katrínu á meinlegur fótaskortur og telja hinir innmúruðu í toppelítum borgarastéttarinna, að eftir þessi sérkennilegu misstökk Katrínar sé hún ásýndar eins og sóðalegur kálfur, riðandi í fjósflór framsóknarmennskunnar.

Við vitum að það er erfitt að vera forsætisráðherra og gluggaskraut tveggja, ef ekki þriggja, svikulla auðvaldsflokka og þurfa að gera öllum ránfuglunum á fjósbitunum til geðs í einu. Í ljósi hraðminnkandi virðingar kjósenda við VG flaug Katrínu í hug að henni kæmi sér vel af pólitískt popúlískum ástæðum að bera dálítið blak af Höturum og koma þeim smávegis til varnar. Þetta var að sjálfsögðu heimskulegt axarskaft hennar hálfu, því mörgum veleðla manninum hjá Íhaldinu og Framsókn er misboðið og eigendum Katrínar, Flokkseigendafélag VG, er fjandans sama um Palestinu og Palestinumenn. En þó útlitið sé svart í augnablikinu, þá verður að telja ólíklegt að flokkseigendur VG fjarlægi gluggaskraut sitt úr útstillingar- og markaðsglugga sínum því þeir eiga ekki annað en óhrjáleg og fráhrindandi leikföng til að setja út í glugga ef þeir stampa Katrínu.

Veifuðu fána fullvalda ríkis

Athugasemdir

[Aztec, 20.5.2019 kl. 22:11]

Það er sorglegt þegar forsætisráðherfan lýsir yfir stuðningi við raunverulega, hatramma hryðjuverkamenn frá ímynduðu ríki, Palestínu.

[Aztec, 20.5.2019 kl. 23:59]

Þú meinar væntanlega "...að þeir séu ekki aðeins krakkayrðlingar, heldur vanþroska og framhleypnir, sem hafi ekki vitað hvað þeir voru að gera og aunginn eigi að taka minnsta mark á.", sem er bæði rétt og satt. Ekkert þarf að gefa í skyn, heldur bara segja það hreint út. Engin furða þótt krakkarnir mínir hafi hlegið að þessum villuráfandi óskapningum. Og ekki kunnu þeir að syngja fyrir fimm sheqels, gerpin atarna.

[Jóhannes Ragnarsson, 21.5.2019 kl. 22:29]

Neinei, ég meina alls ekki að Hatarar séu vanþroska og framhleypnir krakkayrðlingar, því það eru þeir ekki. Þeir slógu í gegn um alla heimsbyggðina og skiluðu sínu tíunda sæti heim til Íslands.

[Aztec, 21.5.2019 kl. 23:33]

Nei, ég veit að þú meinar það ekki og þar með skjátlast þér, því að þeir eru vanþroska og framhleypnir krakkayrðlingar, sem hafa verið heilaþvegnir af áróðri öfgafólks, sem styðja hryðjuverkahyskið sem kennir sig við Palestínu sem er ekki til sem ríki, hvað þá fullvalda.

[Aztec, 22.5.2019 kl. 21:39]

Til athugunar fyrir þessa hræsnisfullu Hatara og stuðningsfólk þeirra:

https://www.facebook.com/photo.php?fbid=2258211674428839&set=a.1385637671686248&type=3&theater

Svona ætti það að vera ef þeir vildu vera sjálfum sér samkvæmir:

https://www.facebook.com/photo.php?fbid=2402467453136930&set=p.2402467453136930&type=3&theater