Þetta hófst með því að þær markaðssettu kvennostinn ,,Fjallagetnað"

Það á auðvitað aldrei að auglýsa eftir mjólkurafurðum úr konum til að gefa huldubarni. Huldufólk á að sjá um sig sjálft og láta ógert að falast eftir kvennamjólk úr mannheimum. Hinsvegar er því ekki að leyna, að um skeið stafræktu þær frú Ingveldur og Máría Borgargagn mjólkurafurðastöð kvenna í samstafi við fémínístafélagið og kvennréttindafélagið. Umrædd afurðarstöð naut mikillar virðingar í sinn hóp, allt þar til hún var seld við geysiháu verði til Bandaríkjanna og er hún nú staðsett í Californíju CC.

Þetta hófst hjá frú Ingveldi og Máríu með því að þær fundu upp og markaðssettu kvennostinn ,,Fjallagetnað", sem varð fljótt vinsæll. Skömmu síðar kynntu þær ostinn ,,Lostagradda", sem sló öll met. Þessar tvær tegundir urðu fádæma vinsælar meðal efstu laga efrimillistéttafémínísta og annarra háborgaralegra kvenna; þesslags kvendi átu ostana með ókjörum og hvítvíni, rauðvíni, koníakki og rommi og kváðust komast í sjöundahymmnastuð af öllu saman. Næst settu þær frú Ingveldur kotasælu á markað, en sælan sú var brugguð úr kvennamjólkurdrafla með einni teskeið af hreimeyjarpissi út í; þessi kotasæla varð vinsæl meðal karlmanna, einkum karlmanna sem öllum stendur stuggur af.

Og áfram héldu hugsjónakonurnar og frumkvöðlarnir, frú Ingveldur og Máría Borgargagn, að þróa framleiðslu sína og höfðu, þegar best lét, á þriðja þúsund milkar konur á sínum snærum og mjólkurbifreið í förum um allt land til að safna afurðunum saman og aka þeim til vinnslu í höfuðstöðvunum. Svo komu á markað kvennaskyr, karllægur smurostur, humarmeikja í sýrðri kvennundanrennu og ,,pröllgloss" úr kæstum meyjarmygluosti. Allt varð þetta ógn vinsælt og jók náttúru neytenda og gjörði suma hálfgalna. Eitt sinn komst óþokkinn og saurlifnaðarhaninn Brynjar Vondalykt í dálitlar kvennamjólkurafurðir hjá frú Ingveldi og gleypti þær í sig með með gamaldags íslensku brennivíni, svartadauða, og varð svo villtur af, að hann hjólaði beint í frú Ingveldi og Borgargagnið með það eitt í huga að hafa gögn öll og gæði af þeim þarna í eldhúsinu. Þar vóru þá fyrir, auk kvennanna tveggja, þeir Kolbeinn skrifstofustjóri og Indriði Handreður, sem var ber neðan mittis við þetta tækifæri. Varð af harður slagur og svo illur, að Brynjar Vondalykt þaut í loftköstum, eins og halastjarna, út um eldhúsgluggann.    

Brotleg í umfjöllun um brjóstamjólk

Athugasemdir

[Aztec, 3.6.2019 kl. 18:54]

Já, það er öldungis rétt hjá þér, Jóhannes, að Fréttablaðið er sorpblað sorpfólks og hefur alltaf verið.

[Jóhannes Ragnarsson, 3.6.2019 kl. 19:41]

Hummm, félagi Aztec, þessi pistill er ekkert um Fréttablaðið. Hann fjallar um frumkvöðlastarfsemi og sprotafyrirtæki.