Helvískur Hund-Tyrkinn gjörir innrás öðru sinni

Nújá, óru helvískir Hund-Tyrkjarnir blindfullir við komuna til landsins? Það getur varla verið þriflegur andskoti að fá full flugvél af þessháttar farmi. Ég heldi við skiljum ekkert í af hverju yfirvöld í Leifsstöð snöru ekki vélinni við og ráku hana til sín heima með það sama. Ef yfirvöldin á vellinum hafa ekki þorað að ýfast við Hund-Tyrkjanum, þá hefðu þau vel getað sent Útlendngastofnun á þessa fugla, sem hefði nú ekki gert gælur við Tyrkjann og sent hann til baka með gripaflutningavél.

Á seytjándu öld kom helvískur Tyrkinn hér við land og rændi og myrti svo lengi verður í minnum haft. Kallmen eltu þeir upp í kletta og skutu þá niður úr þeim með bogum sínum og örvum en kvennfólkið drógu þeir á hárinu út í skip og sigldu með þær beint í Barbaríið og seldu þær alræmdum melludólgum, sem fóru að við þær sem einar skepnur.

Sko, ef rétt er að hundtyrkneskar brennivíns- og boltabullur eru hingað komnar með kjaft og ójöfnuð þá verður að taka á þeim óaldarlýð með tveimur hrútshornum. Einusinni kom hingað flugvél, full með drukkna Færeyinga, og það lá við að þeim tækist að gjöra byltingu, taka forsætis- og dómsmálaráðuneytið, lögreglustöðina og Landhelgisgæsluna; á síðustu stundu tókst að hrinda byltingunni með því að keyra vörubílsfarma af brennivíni í Færeyingana, sem varð aftur til þess að þeir drukku sig, allrir sem einn, undir borðið. Í annað sinn réðst sá danski fjandi, Jörundur, á oss og tók landstjórann Trampe greifa og lokaði hann hiður í keðjukjallara í einhverju skipi. En það fór eins og það fór. En vér verðum að vona hið besta og að Ríxlögreglustjóra og Stjörnusýslumanninum Stones takist að hrinda innrás Hund-Tyrkjans með glæsibrag, þrátt fyrir að Kaninn hafi svívirt oss og sært með því að taka varnarliðið sæla af oss..    

Tyrkir óhressir í Leifsstöð

Athugasemdir

[Guðmundur Ásgeirsson, 10.6.2019 kl. 02:10]

Komu ekki ræningjarnir 1627 frá Marokkó og Alsír?

[Jóhannes Ragnarsson, 10.6.2019 kl. 20:20]

Mér skilst þeir hafi komið frá Alsír og verið gerðir út af einhverjum Hollendingi eða Hollendingum. En í þessu sambandi er betra að halda sig við að þeir hafi verið Hund-Tyrkir eins og Íslendingar kölluðu þá.

[Aztec, 11.6.2019 kl. 02:47]

Amma mín sáluga tjáði mér að eiginkona Hallgríms jafnheitins Pjeturssonar, kölluð Tyrkja-Gudda, hafi verið guðslifandi fegin að hafa losnað við að þurfa að búa með kallinum það sem eftir var ævinnar. Þá hlýtur hann að hafa verið átakanlega leiðinlegur eins og passíusálmarnir bera vott um, fyrst hún kaus frekar að búa við kúgun undir islam.

Amma mín sagði mér ekki hverjum Tyrkja-Gudda hefði sagt þetta, sjálfsagt hefur hún skrifað bréf og sent með rekjanlegum flöskupósti. Eða kannski hafi Serkirnir eða Berbarnir hreinlega skilað henni aftur eftir að hafa leiðzt sálmagaulið í henni.

[Jóhannes Ragnarsson, 11.6.2019 kl. 17:32]

Á myndum, sem menn hafa teiknað upp úr sér af honum Hallgrími sáluga, hafa þeir hann einlægt alveg skelfilega leiðinlegan á svipinn.