Þegar Friðfinnur ný-nasisti drakk sig sódó

Á gamalsaldri gjörðist Friðfinnur heitinn ný-nasisti og hengdi upp mynd af Hitleri upp á stofuvegg heima hjá sér. Um sömu mundir rak hann eiginkonu sína, Pétrínu Storð að nafni, horaða og trjásulega, burt af heimilinu og hótaði að skóta hann með haglabyssunni ef hún lét sjá sig í námunda við húsið sem þau höfðu búið í í stinn fjörutíu ár. Ekki varð undrun samborgaranna minni þegar Friðfinnur bar inn til sín ókjör af sódavatni. Þegar hann var spurður hvað allt þetta sódavatn ætti að þýða, svaraði Friðfinnur því til að hann ætlaði að drekka allt þetta sódavatn til þess að verða sódó.

Eitt kvöldið kom Friðfinnur askvaðandi í knæpuna á horninu, svo vopnaður, að segja má með sanni að hann hafi verið grár fyrir járnum. Veitingamaðurinn varð mjög felmtraður við uppákomuna og hugðist biðja Friðfinn í góðu að fara út og koma svo bara aftur þegar hann hefði afvopnast. Þessu svaraði Friðfinnur með því einu að reka skeptið á haglaranum í trýnið á vertinum og var hann þar með úr sögunni það kvöldið. Síðan settist Friðfinnur að drykkju og talaði margt undir borðum. Meðal annars tjáði hann viðstöddum að hann væri ekki einungis ný-nasisti og ný-frjálshyggjumaður, heldur og væri hann nú orðinn vel sódómískur.

Fám dögum síðar varð íbúum bæjarins ljóst, að Friðfinnur væri búinn að gera hús sitt að hættulegu víghreiðri. Hvenær sem var sólarhringsins bárust hastarlegi skothvellir frá húsi hans og stundum sprungu vítisvélar í garði nágrannans, eða úti á strætinu, sem stórhætta stafaði af. Svo kom að því að ríkisstjórnin lét málið til sín taka og sendi þyrlu á vettvang, sem sturtaði bílhlassi af sprengiefni á hús Friðbjarnar. Sprengingin varð svo grimm, að ekki hvarf hús Friðbjarnar eitt af vettvengi heldur þurrkuðust næstu tíu hús í kring út af yfirborði jarðar. Þegar þett gerðist var Friðfinnur því miður ekki heima, hann var í heimsókn hjá Valfríði systur sinni, sem er gallhart ný-nasistafól. Nú býr fólk á staðnum sig undir hið versta, því öllum mun nú ljóst vera að Friðfinnur er ekki heill á geðsmunum, með öðrum orðum : snarbrjálaður og hættulegur. Að framansögðu má því ljóst vera að Friðfinnur er aunginn ,,Friðfinnur heitinn".

„Fílar í sódavatni“ hluti af sýningu