Sölunefnd varnarliðseigna fellir sin dóm

Og hefir nú Sölunefnd Varnarliðseigna talað úr glerhúsi sínu og fellt þann dóm að annar söfnuður gömlu Framsóknarmaddömunnar, Miðflokkur Tortólupiltsins Sigmundar Davíðs, hafi gert sér til ævarandi skammar með frumlegum þingstörfum að Klaustri. Nú, höfuðdjásn gömlu Maddömunnar, Framsókn, er náttúrlega syndlaus og hefir ekkert á samviskunni til að skammast sín fyrir, enda eyðist fortíð Framsóknar jafnóðum og hún verður fortíð; með öðrum orðum: Framsókn er fortíðarlas flokkur.

Svo var nú þetta með Litlu Gulu Hænuna (LGH), hún fann alltsvo eitt frag, það var frag af þjófalykilsplöntunni, sem er mikil urt og vex best í hlandforinni bak við Framsóknarfjósið. Ekki eru samt allar ferðir til fjár sem farnar eru í umrædda hlandfor, því þar hefir einmitt drukknað fjöldinn allur af misheppnuðum Framsóknarhvolpum. Í fornöld deyðu Þórólfr Mostraskeggr og hans frændur inn í Helgafell á Þórsnesi, en hinir misheppnuðu Framsóknarhvolpar hafa hingað til drepist inn í Framsóknarfjóshauginn og orðið að eiturgasi, sem aftur verður flugum og fuglum sem koma of nærri að aldurtila. Þess má og geta, fremur til gamans en fróðleiks, að áminnstur Þórólfr Mostraskeggr, er samkvæmt ættfræðistofnun Framsóknarfjóssins forfaðir bæði gömlu Framsóknarmaddömunnar og gifturíka kaupfélagsstjóranum á Sauðárkróki, sem einmitt var skírður Þórólfr í höfuðið á afa sínum.

En þar eð menningarmálaráðherra Íslands er sérstaklega menningarlegur og ber það með sér að vera alinn upp við hermang í Sölunefndinni, þá þarf aunginn að vera hissa á að amríski herinn sé aftur á leiðinni á Miðnesheiðina og hug á að fjölga sér þar eins og velheppnaður rottustofn. Og hvað gerir til þótt ein flokksnefnan í ríkisstjórninni þykist vera á móti hersetu og eftir vill líka NATO, því sá derringur er markleysan ein og umræddur flokkur einungis smáhópur aumingja og óhræsa. 

„Þeim til ævarandi skammar“