Nei, þeir ráku Jón Íþróttamann en sendu þunglamalega hlunka á mótið

Þetta er algerð háðung, alveg til stórfelldar skammar. Að sannir Íslendingar skuli láta leika sig svo grátt sem raun ber vitni í íþróttakrftakeppi á erlendri grund kallar á róttækar aðgerðir, sem forða því að sonalagað gerist aldrei nokkurn tíma aftur. Þá hefði þessu fjárans krossafeitnessliði verið nær að senda Jón Íþróttamann til Bandaríkjanna til að keppa fyrir Íslands hönd, í stað þess að reka hann úr Krossnesssambandinu. Að sjálfsögðu skaraði Jón Íþróttamaður svo fram úr öllum iðkendum í krossfeiti á Íslandi, að öfundarkvikindin, sem öllu ráða, ráku Jón frá æfingum og keppni í krossafitu til æviloka og gáfu honum að sök óíþróttamannslega hegðan, tillitsleysi og auk þess dálítið meira, sem ef til vill kemur fram síðar í þessum pistli.

Það var náttúrlega hörmulegt fyrir þjóholla Íslendinga að sjá hvurnig Katrín Tanja lyppaðist niður eins og hveitisekkur sem veltur á hliðina á olíublautu lúkargólfi; og þau hin hvurnig þau endastungust um keppnissvæðið á sama hátt og þegar nýfæddir kálfar slengjast til og frá um flórinn. Þetta var alveg hræðilegt. En Jón Íþróttamaður, hann sko, hérna, þegar hann fékk að æfa, þá óru þessir hlunkar, sem sendir vóru fyrir Íslands hönd til keppni í Madisón í Wisskonsuríki í USA, eins og einir einfættir og vængjalausir spörfuglar í samaburði við geysistóran og grimman örn. Til að mynda var drengurinn, sem lufsaðist til að verða í þriðja sæti þarna fyrir vestan haf, algerlega hreyfihamlaður við hlið Jóns Íþróttanns meðan hann fékk að stunda íþróttir í Krossafeitisfélaginu; meðan Jón þaut tíu sinnum upp og niður langa reipið sem hangir neðan úr loftinu í æfingasalnum gat drengurinn kraflað sig upp undir hálfan kaðalinn.

Þó tók steininn endanleg úr þegar upp komst um þá ást sem krossafittnesskonur báru til Jóns Íþróttamanns og var það mál allt laggt út að versta veg og lugu öfundsjúkir aumingjar og grasasnar því upp á Jón, að hann hefði með lostalegri framkomu og kynferðislegri áreitni vakið upp stjórnlausar hvatir hjá kvennkyninu og einum af drengjunum. Þetta sögðu vondir menn að Jón hefði notfært sér á svívirðilegan og auvirðlegan máta. So ráku þeir hann náttúrlega á grundvelli stórlyga, því þessir karlar þola aungvann sem skarar fram úr. Nóttina áður en þeir sviptu Jón öllum réttindum til krossfittleika, smó drukkin og forhert hlandsprengja inn um svefnherbergisglugga hans og tók hann slíku frillutaki að hann gleymir því aldrei; þá nótt slökknaði endanlega á þeirri kynferðisnáttúru sem bærst hafði með Jóni Íþróttamanni og er hann nú frjáls undan þeim óþverra.   

(Meðfylgjandi mynd er af einum af íslensku keppendunum rétt eftir að hann féll úr leik í fyrstu grein mótsins)

Björgvin tryggði þriðja sætið