Hundtíkin hans Manga í Rugludal verður skipuð

Ó hvað þetta er óviðjafnanleg og spennandi, atburðarásin á floti og leikslok ófyrirsjánleg. En í reynd, en í reynd drengir mínir, þá skiptir niðurstaðan nákvæmlega engu máli; þó svo að Bjarniben mundi skipa skipa hundtíkina hans Manga í Rugludal dómsmálaráðherra þá mundu allir íhaldsbokkarnir verða himinlifandi, þeim er nefnilega alveg sama hvaða tros er að þeim rétt og hversu úldið það er, bara ef upprunavottorðið segir að það sé framleitt í Valhöllu.

Hundtíkin hans Manga í Rugludal er svo sem meinleysiskvikindi, grálúsug, með geitur og full með bandorm og sull. Og þó svo auminginn svorni hafi um áraraðir verið með sannkallað krabbameinsbál invortis og haldin niðurfallssýki, þá hefir hún lifað allar hremmingar af. Og svo andfúl er þessi tíkarskratti, að allt steindrepst á stundinni sem hún blæs framan í, og brækjuna aftan úr henni skulum við ekki minnast á, svo djöfulleg sem hún er.

Og sem ég sit hér við skriftir, kemur allt í einu upp í hugann kvennmannsbelgurinn sem glataði bæði meydóm sínum og nærbuxum bak við Valhöllu, hús Sjálfstæðisflokksins við Bolholt. Þetta var þegar Valhöll var nýlega byggð og moldarurð var að húsabaki, svo það var æði sukksamt að fórna nærhaldinu í þeim stað, hvað þá meydónum. En frú Ingveldur var ung og hraust um þær mundir og fyrir löngu hætt að kalla nokkurn skapaðan hlut ömmu sína. Enda var gamla frú Ingveldur, amma frú Ingveldar, fremur illvíg kona, grimm, guðlaus og andstyggileg á allan hátt; þessi gamla kona er enn á lífi, 106 ára að aldri, vel ern, á dvalarheimili aldraðra sjómanna, Hrafnistu. Daginn efir að nærbuxurnar fundust í drulluforaðinu á bak Valhöllu, átti sem ofatar amma frú Ingveldar leið á skrifstofu Sjálfstæðisflokksin og þekkti nærbuxurnar strax. Næst þegar þær nöfnur fundust, barði gamla frúin dótturdóttur sína sundur og saman með priki. Löngu síðar kvað frú Ingveldur?

Pupu mín er loðin og laung
og lafir við hana skiki;
en piltunum þókti hún heldur þraung
og þöndu hana út með priki.

Takið so hinni postulegu kveðju.

Nýr dómsmálaráðherra í september