Upprisa Torgerðar Katrínar er eitt dýrðarkraftaverk hinnar ósýnilegu handar

Ó, hve dásamlegt er að sjá hvað kraftaverkið á henni Torgerði Katrínu hefir tekist fjraskalega vel og upprisa hennar fögur og hrífandi; meira að segja upprisa Frelsarans er hálgert fúsk, froða, hjóm við hliðina á upprisu Torgerðar til eilífs lífs á hinum torfæra poletiska akri. Þegar hin háheilaga, ósýnilega hönd markaðsins hafði kastað kúlulánum og öðrum ófétislegum amboðum á bak við sig, snöri frú Torgerður aftur til hins kapítalíska lífs, velti bjarginu frá skammarkróki kúlulánanna og sveif eins og sannur , uppreistur, frelsandi andi inn á þing, eins og ekkert væri sjálfsagðara, enda fagna allir áður föllnum en nú upprisnum liðsmanni ESB, braskaranna og Mammóns sjálfs.

En hvurnig upprisu Torgerðar var háttað veit aunginn, nema síra Baldvin, sem sér og heyrir allt í leynum og endurreisir fallið réttlæti öfgahægrimanna og valdhafa auðmagnsins. Þá hefir síra Baldvin margsinnis gripið til kraftaverka til að halda frú Ingveldi, Kolbeini og öðrum slíkum á réttum kili og bjarga Sjálfstæðisflokknum og Viðreisn frá tortímingu, því það eru félög sem síra Baldvin, Mammón og gjörvalt auðvaldið hefir velþóknun á.

Og eins og staðan er í dag, þá ber nauðsyn til, að stofna formleg trúarbrögð, með páfum, musterum og miskunsömum Samverjum utan um upprisu Torgerðar Katrínar til eilífs lífs í Hægri 7, eða hvað það nú hét, blessað kúlulánafélagið, sem skóp vissu fólki ósvikna hamingju og heilagan fjármagnsanda. Til dæmis væri upplagt að upprisufélag Torgerðar mundi yfirtaka kaþólsku krikjuna í heiminum, því hún hefir reynslu af dýrlingum, kirkjufeðrum og kaþólskum einkaskólum. En var Torgerður nokkurð krossfest? Jú, hún var krossfest af heimskum lýðnum og gjörð útlæg úr poletik um skeið, en reis upp frá dauðum fyrir tilstilli hinnar ósýnilegu hönd markaðarins, eins og áður sagði.

Þriðji orkupakkinn samþykktur