Aftan og framan og allt um kring þau verði á verði, því Pennsarinn er ófyrirleitinn og brögðóttur

Ja, hún er nú aldeilis köld kerla í krapinu hún Sólveig Anna, forkvendi kvennféglagsins Eflingar. Svo sem kunnugt er, þá var Efling upphaflega vekalýðsfélag, en Sólveig Anna og hinir háskólalærðu fylgihnettir hennar inn á Eflingakontórinn breyttu Eflingu um leið í kvennfélag og þau höfðu komið sér fyrir á undarlega háum launum í nýju mjúku leðurhægindunum. Á tillidögum, eins og í dag, bregða Sólveig Anna og Viðar framkvæmdastjóri hennar sér í gult vesti, sem heyra til nýjum leikbúningum kvennfélagsins, að heiskur múgurinn fari að halda að þau séu sérlega harðsnúið slagsmálafólk og hugrökk með afbrigðum.

Í dag hafa Bandaríkja-Solla og Amríku-Viddi framkvæmdastóri hennar ákveði að fara í stíð við varaforseta Bandaríkjanna af því að þau vildu frekar fá stríðskvendi sem varaforseta Trumpsins. Þau ku ætla að berjast við karlinn úti á miðju einhverju því stræti í Reykjavík sem lokað verður annarri umferð en þeirri sem fylgir heimsókn herra Pence, góðkunningja áður títtnefndra hjúa. Þetta verður líklega allra laglegasti bardagi og líklegt að Bandaríkja-Solla og Amríku-Viddi muni blása fnyk úr kvennfélgskontór Eflingar framan í Bandaríkja-Pence og vita hvort kallskrattinn kafni ekki hreinlega af fýlunni.

Einhverju sinni orkti þjóðskáldið Flosi Ólafsson, sem einmitt var einn af stofnendum Rauðsokkufélagsins sællar minningar, eitthvað á þessa leið:

,,Eg sé ég hýran Hafnfirðing
í Hellisgerði,
aftan og framan og allt um kring
ég er á verði."

Það er hætt við, að ef Bandaríkja-Solla og Amríku-Viddi verða ekki á verði aftan og framan og allt um kring, þegar þau berjast við Bandaríkja-Pennsarann, þá geti þannig farið að hollingin á þeim kunni að verða bæði kynleg og hláleg að orrustu lokinni.

Sýni lokunum engan skilning