Meirhlutafulltrúar orðnir taugabilaðir vegna sorphirðu

Auðvitað er óásættanlegt að einhverjir leppalúðar úti í bæ geti komið í Ráðhús Reykjavíkur með himinháa reikninga og heimta að meirihluti borgarstjórnar borgi þá umyrðalaust og haldi síðan kjafti eins og steindauð rotta. Ónei, soleiðis óþverraskap viljum við ekki hafa. Borgarstjórnarmeirihlutinn þarf sína pénínga í að þrengja götur og mála þær bröndóttar, hefja ryðbrunna hermannabragga úr stríðinu til vegs og virðingar fyrir milljarða á milljarða ofan og kaupa gras frá útlöndum, helst trénuð puntstrá, til að planta kringum braggahróið.

Það segir sig sjálft, að stjórnmálaskörungar eins og þeir sem eru í borgarstjórnarmeirihlutanum, kæra sig ekkert um að vera truflaðir af óæðra fólki, fólki sem hefir gert svo herfileg mistök, sem sé  misstökk, að jafnvel hinir stórgáfuðu meirihlutamenn skilja hvorki upp nér niður. Það er líka vel skiljanlegt, að svokölluð byggðasamlög séu ofviða fólki sem tekið hefir að sér að vera fulltrúar Viðreisnar í kerfinu; meira að segja holugarpar á borð við Dag og Holu-Hjalla, að ekki sé minnst á Líf Magnínu og Píratagoggurnar, bera ekkert beskyn á byggðasamlög né kostnað við gas- og jarðgerð hjá Sorpu.

En þó að Dag og Þórdísi Lóu skorti eitt og annað til skilnings á venjulegri bæjarstjórnun þá verða þau að grjöra svo vel að hunskast til að borga kosnaðinn við sorpeyðingu; það dugar ekki einusinni fyrir þau að útvista öllu helvísku ruslinu og draslinu sem til fellur í Reykjavík, Reykjavíkurborg verður eftir sem áður að borga kosnaðinn af eyðingu þess. Nú, ef borgarfulltrúarnir í meirihlutanum láta útgjöld borgarinnar fara í taugarnar á sér verða þeir að fara til taugasérfræðinga til að fá bót meina sinna; eða til sálfræðinga; eða til geggjunarlækna, sem hafa sprautur og meðöl í fórum sínum til viðgerða á sona taugabilun. 

Ekki hægt „að sópa undir teppið“