Það verður að stöðva aðför hvolpanna að ríxlögreglustjóra

Það er þungur kross að bera fyrir ríxlögreglustjóra að hafa hóp af illa innrættum lögregluhvolpum sí-glefsandi í hælana á sér. Og jafn erfitt er fyrir ríxlögreglustjóra að neita sér um að setja löppina þéttingsfast í hinar hvimleiðu skepnur, sem hafa sér það eitt til ágætis að vera leiðinlegar. Það er einnig ágeng spurning, af hevju ríslögreglustjóri hefir ekki sent sinn bestmann, Hálfdán Varðstjóra, á gemlingana atarna. 

Við getum verið viss um, að Hálfdán Varðstjóri hefði sanna ánægju af að hafa endaskipti á þessum Arinbirni og mundi ekki fúlsa við að hafa hann eins og eina nótt hjá sér í gæsluvarðhaldi. En eins og flestum er ljóst, þá er nótt í gæsluvarðhaldi hjá Hálfdáni Varðstjóra aungin barnaskemmtan, um það geta margir borið vitni. Eitt sinn tók Hálfdán lögregluþjón úr Hafnarfirði fastann og gaf honum að sök að hafa pissað inn um glugga hjá ókunnugu fólki. Þegar þessi lögregluþjónn kom aftur heim til sín í Hafnarfjörð var hann gjörsamlega mökkruglaður og hélt að Dolli Vembill, sá alkunni óþokki, væri konan sín og vildi endilega fá hann upp í hjá sér; til viðbótar var lögregluprjónninn með brotið bringubein og fimm rif og auk þess með stóra kúlu á hnakkanum.

En aðför helvískra lögregluhvolpana að ríxlögreglustjóra verður að stöðva, hvað sem það kostar, jafnvel þótt það kosti dómsmálaráðherra og forseta Alþingis embætti sín. Nú, forseti Alþingis veit svo sem hvað er í boði þegar Hálfdán Varðstjóri er annarsvegar eftir að sá síðarnefndi flengdi hinn fyrrnefnda fyrir óknytti. Dómsmálaráðherrann er aftur svo innilega blaut bak við eyrun, að hana getur ekki rennt í grun hvað bíður hennar ef Hálfdán Varðstjóri birtist á ráðherrakontór hennar næsta mánudagsmorgun. 

Ummæli formannsins hluti af rógsherferðinni