Nafnbætur í Edens fínum rann

Asskoti er hún nú seig stelpuguddan að vera orðin forsætisráðherra og ekki einusinni skírð. Þetta er auðvitað einstætt, og þegar við bætist að fraukan er ekki trúuð á sama hátt og aðrir eru trúaðir, hún er so ógurlega sérstök, heldur er í henni trúleiki, hvur fjandinn sem það nú er. Þó er vitað fyrir víst að Katrín er afar trúuð á Stenngrím og Flokkseigendafélagið, enda hefir hún flotið upp í forsætisráðuneytið eins og olíbrák á vatni í skjóli Flokkseigendana miklu.

Auðvitað hefir Katrín ekki sterka skoðun á aðskilnaði ríkis og kirkju, því Katrín er þeirrar gerðar að hafa ekki sterka skoðun á nokkrum sköpuðum hlut og tekur því aðeins afstöðu til mála, að eigendur hennar hafi tekið ákvörðun um hver skoðunin er. Þess utan dinglar hún í stofugluggatjöldum Stenngríms og hans vina.

En úr því upp hefir komist að Katrín þessi margumrædd er ekki skírð, er líklega komið að þeim tímapunkti að hún verði ausin vatni, jæja eða kóki eða abelsíni, og henni gefið nafn í samræmi við trúleikann, sem hún er haldin. Mörg viðeigandi nöfn koma til greina, sum öldungis ekki prenthæf, önnur svo niðurdrepandi að vart er hægt að taka sér þau í munn. Óþverrakvendi nokkurt, sem ég er svo ólánssamur að kannast við, sagði við mig í gærdag, óundirbúið og fyrirvaralaust, að réttast væri að skíra forsætisráðherranefnuna ,,Gluggaboru." Nú-nú, ég maldaði í móinn og reyndi að halda því fram að Gluggabora væri ekki nafn heldur heiti á litlum glugga. En óþverrakvendið var ekki af baki bottin og rökstuddi mál sitt með því, að hann faðir sinn eitinn hefði nefnt ær sína Gluggaboru, einig átti hann lengi kúna Gluggaboru og væri forsætisráðherragarmurinn fullsæmd af að heita Gluggabora, sem væri dregið af orðinu gluggaskraut. Það var þá sem mér flaug í hug, að best væri að nefna dömuna einfaldlega Gluggaskrautu og væri það í samræmi við að í þingflokki forsætisráðherra og Stengríms heitir ein dulan Jólaskrauta. 

„Ég er ekki einu sinni skírð“