Viðbúið er að barnabörnin fari á vergang og verði flækingar og rónar

Það er þokkalegur piltur þessi Karl Gústaf, að veitast að barnabörnum sínum með jafn ósæmilegum hætti og raun ber vitni. Það má segja að með athæfi sínu hafi Karl Gústaf gjört sín eigin barnabörn munaðarlaus og þau fara á vergang, það er alveg víst. Þetta fólk kann kann ekki að bjarga sér og verður því sjáfkrafa ósjáfbjarga, eftir árás afans, fara á flæking og lenda í strætinu, rennusteininum, með koggatíuglas í rassvasanum og verða að eta upp úr sorptunnum.

En hver er ásæða þess að Karl Gústaf fremur slík óhæfuverk? Sumir vilja meina að hann sé óþokki og mannhatari, en aðrir segja að það gæti skaðað kónginn sem kvennamann að eiga mörg barnabörn; siðlegar konur vilja auðvitað ekki gamlan skrögg, margfaldan afa og langafa. Hvernig varð það ekki hér um árið þegar kallinn kom til Íslands með fullt af byssum í farteskinu og tíu eða fimmtán svennskar gálur. Svo fór hans hátign með byssurnar og kvennfólkið austur á land, undir því yfirskyni að skjóta hreindýr. Litlum sögum fer af skotkúnstum kóngsa, en í beykistöð hans fyrir austan var stanslaust fjör með brennivíni og berum skjátum.

Núnú, það verður ekki framhjá því horft, að líknsamt fólk taki sig til og bjóði afabörnum Karls Gústafs hæli á Íslandi sem poletiskum flóttamönnum. Það má vel koma krökkunum í sveit hér á Íslandi, hjá ágætis fólki. Reyndar kom upp sérkennilegt atvik í sveitinni fyrir skemmstu, en þá höfðu búandi hjón að sér flóttamann. Þegar til kom þá sýndi flóttamaðurinn af sér að vera baldinn og heldur sona út undan sér. Það leið sem sé ekki á löngu þar til flóttamaðurinn fór að fífla húsfreyjuna með þeim árangri, að hún varð hálfrugluð og hætti meðal annars að ganga í nærbuxum. Það var við þessar kringumstæður, að bóndinn, mikill framsóknarmaður og jötun að burðum, greip flóttamanninn glóðvolgan í fjóshlöðunni, þar sem hann var að gamna sér með húsfreyju, og kæfði hann með buxurnar á hælunum í fjóshaugnum. Fyrir þetta afrek var bóndinn sæmdur Stóru Framsóknarorðunni.

Svipti barnabörnin titlum sínum