Þér eldgamli útslitni ...

Ja, þessi ummæli sóttvarnarberserksins okkar, hans Þórólfs, stinga nokkuð í stúf við umræðuna um að stjórnvöld sé ákaflega áfram um að kórónupestin grandi sem flestum öryrkjum og gamlingjum, því líf ríkissjóðs liggi við. Það veitti ekki af að fá rannsóknarlögreglunni þessa ráðgátu til úrvinnslu þannig að við landsmenn fáum á hreint hvort stjórnvöld sé sama sinnis og Þórólfur en hvort þau brenni í skininu eftir að fá fá sem flesta öryrkja og gamlingja af fóðrum í ríkisfjárhúsinu.

En satt að segja minnir Þórólfur sóttvarnarlæknir andskotann ekki neitt á forföður sinn, Þórólf bægifót, sem var annálaður kappsmaður og hélt áfram kappi sínu eftir að hann varð sóttdauður við endann á eldhúsborðinu heima hjá sér. Því hafi Þórólfur bægifótur verið erfiður mönnum í lifanda lífi þá varð hann mörgum sinnum verri þá hann var dauður, því hann gekk aftur með fádæma vonsku, eirði aungvu og drap fólk, fénað, og meira að segja fugla, sem voru svo óheppnir að setjast niður á haug Þórólfs. 

Í sambandi við þetta allt, raunir vorar að fornu og nýju, þá kemur ósjálfrátt upp í hugann ljóðmæli listaskáldsins:

Þér, eldgamli útslitni kérlíngarfjandi,
það ætti að reka yður strax úr landi
og skvetta á eftir yður skít og hlandi.
 

Ber að vernda þá viðkvæmu

Athugasemdir

[Ómar Geirsson, 2.3.2020 kl. 17:37]

Góður.

Kveðja að austan.