Draga kynfærin á eftir sér í bandi eins og hund, - eða hvað?

Ljóta orgían þetta ekkisens Alþingi okkar. Þar sitja að minnsta kosti til hálfs, sálsjúkar veimiltítur, dramadrottningar og vesalmenni. Hvern fjandann á eiginlega að þýða hjá þjóðinni að kjósa þessháttar dínglumdángl á þing? Það er ófyrirgefanleg vanræksla og ábyrgðarleysi. Og hverskonar stjórnmálaflokkar eru það sem ekki getað skaffað annað en svona endemis liðleskjur til æðstu trúnaðarstarfa landsins? Það væri gustukarverk að slá slíka flokka af á einu bretti.

Það talar og talar um eitthvert dularfullt fyrirbæri, sem það kallar ,,kynbundið áreiti". Hver skrattinn ætli það sé? Eru þeir sem eru með kynbundið áreiti með kynfæri sín eða annarra í bandi og leiði það á eftir sér eins og hund? Eða hvað er eiginlega um að vera? Hvers konar ólag er þetta á kynfærum þingmanna? Er raunhæft að gera kröfu til þess að þingmenn séu allir sem einn geldingar, kynlausir, kynfæralausir, allslausir og vitlausir?

Ef niðurstaða þessarar kynlegu skoðanakönnunar meðal þingmanna er rétt í alla staði vandast málið. Hvaða rustar ólu þessa þingmenn upp, sem látaskepnuskap og óeðli stjórna gjörðum sínum í umgengni við starfsfélaga sína? Voru þessum aumingjum ekki kenndir mannasiðir? Eða er kennsla á mannasiðum brot á frelsi og mannréttindum kókópuffskynslóðarinnar, sem óx úr grasi á nýfrjálshyggjutímunum? Víst er um það, að undanrennugalskapur, úrkynjaður eins og kapítalismi síðustu ára, hefir fjölmennt á Alþingi upp á síðkastið; villilýður, sem þekkir ekki gjörla mun á réttu og röngu eða sanngirni og rangsleitni og veður áfram í sjálfumgleði, athyglissjúkdómi og græðgi, með öðrum orðum: siðblindur, siðlaus og siðvilltur lýður, óhæfur til starfa í þágu almennings. 

38% þingmanna orðið fyrir einelti

Athugasemdir

[Halldór Egill Guðnason, 20.5.2020 kl. 01:39]

 Ekki að undra að miðað við aðra vinnustaði, séu afköst þingsins 38% minni en á venjulegum vinnustöðum.

 Þetta lið er með lúkurnar í hvers annars samþingsmannaklofi 38% af tímanum. Er nema von að afköstin og skynsemin sé ekki meiri en raun ber vitni? Af tíu fingrum hvers þessara sextíu og þriggja sálna, auk aðstoðarmanna, eru hartnær önnur hvor höndin á kafi í klofinu á einhverjum öðrum öllum stundum. Ja hérna bara! Reyndar dulítið snúið reikningsdæmi séu aðstoðarmennirnir teknir með í reikninginn, en ljóst að hér er á ferðinni ekkert minna en orgía.

 Er nema von að þjóðin blási af og til, horfandi upp á þetta handreðsklám? Kolbeinn og borgargagnið hljóta að vera niður sín!

 Goðar stundir, með kveðju að sunnan.

[Ingólfur Sigurðsson, 21.5.2020 kl. 08:28]

Á 19. öldinni og 20. öldinni var kynþáttahyggjan vinsæl en er nú flokkuð sem falsvísindi af þeim sem völdin hafa. Stór hluti fólks virðist alltaf hafa þörf fyrir vafasöm vísindi. Í staðinn komu kynjafræðin sem núna er talin sönnuð, eða viðurkennd vísindi. Sem sagt, í staðinn fyrir hatur á kynþáttum er það hatur á fólki af hinu kyninu sem skal stunda samkvæmt kynjafræðingum, ekki í orði en á borði, útkoman verður þannig ef gagnstætt kyn er alltaf gert tortryggilegt. Eins og margir góðir menn hafa bent á, þá eru stór líkindi með gamla þjóðernisfasismanum sem nú er ekki vinsæll og nýja mannúðarfasismanum sem birtist í ýmsum myndum. Ég segi að nauðsynlegt er að hjálpa kynjunum að eiga góð samskipti, og þessi kommúnistafræði sem dúkka upp með ákveðnu millibili, í Metooherferðum og ýmsu slíku eru ekki rétta leiðin til þess. 

[Jóhannes Ragnarsson, 21.5.2020 kl. 10:36]

Þjóðernisfasismi og mítú-fyrirbærið eru engin kommúnistafræði og koma kommúmisma ekkert við.