Og skemmtidagskráin heldur áfram og nytsömu sakleysingjarnir dansa með

Skemmtidagskrá krataeðlissjúklingana um ,,nýju stjórnarskrána" sem landslið kverúlanta í krataeðlissöfnuðinum sauð saman fyrir hart nær áratug, nýrri er nú skepnan ekki. Það hefir væntanlega ekki farið framhjá mörgum, að nú fer fjörið fram við skítugar veggnefnur niður við sjó þar sem nytsamir sakleysingjar og hálfvitlaust fólk, sem heldur að það sé ,,vinstrieitthvað" hefir síðustu daga dundað sér við krota slagorð með því að maka málningu á fyrrnefnda veggi undir stjórn biluðustu krataeðlisstagkálfa landsins.

Það kátlegast við þetta allt er að ríflega þrjátíuþúsund hrekklausar sálir hafa látið nafn sitt undir þessa galtómu stjórnarskrárdellu, sem aungvu mun breyta þótt hún væri tekin í heilu lagi og gerð að gildandi stjórnarskrá. Aumingja fólkið telur sér trú um að sægreifaveldið og kvótakerfið líði sjálfkrafa undir lok um leið og ,,stjórnarskrá" Þorvaldar og Illuga tæki gildi. Sömuleiðis mundum við renna eftir stjórnarskrá eins og fjallalækur inn í ESB á vit hymmnaríkisástands í geysilágum vöxtum, evru og matvælum á gjafverði. Þá verður lífið leikur og sorgir og vandamál úr sögunni. Sona er nú krataeðlið gott við okkur.

En, ónei. Stjórnarskrá Þorvaldar og Illuga mun aungvu bylta eða breyta, enda er þetta frámunalega íhaldssöm og harðkapítalísk stjórnarskrá, gerð fyrir blábjána og aðra heimskingja í mjög óljósum tilgangi. Eða hafið þið orðið vör við óróleika og hræðslu sægreifa og kvótaelskara við plaggið þeirra kratakumpána? Og hvað með aðra kaupahéðna og braskalýðinn? Nei, þetta lið lætur sér tiltektir stjórnarskrárberserkja og lukkuriddara í léttu rúmi liggja, því það þarf ekkert að hræðast. 

Mikið af veggjakroti í Skúlagötu

Athugasemdir

[Guðmundur Ásgeirsson, 13.10.2020 kl. 21:08]

Vextir eru bara ekkert lægri allsstaðar á evrusvæðinu en þeir eru á Íslandi. Til dæmis eru vextir húsnæðislána talsvert hærri en hér á landi í Litháen (4,42%) og Lettlandi (6,96%) sem bæði nota evru sem gjaldmiðil.

[Jóhannes Ragnarsson, 13.10.2020 kl. 21:25]

Uss, er ekki rétt, Guðmundur, að hlífa blessuðum ESB- og nýjustjórnarskrárunnendunum við svona upplýsingum? Þeir þola ekki mikið af sonalöguðu.

[Guðmundur Ásgeirsson, 13.10.2020 kl. 21:29]

Ég er ekki hættur.

Hvar er nýja stjórnarskráin? Hún er hér:

33/1944: Stjórnarskrá lýðveldisins Íslands

Hún leysti þá gömlu frá 1874 af hólmi.