Könnunin er áfall og áfellisdómur yfir ESB-flokkunum fjórum

Í þessari skoðanakönnun kemur vel í ljós að fallandi áhugi er fyrir ESB-flokkunum, en samkvæmt könnuninni fá þeir í hæsta lagi 40% samanlagt og 25 þingmenn. Þetta telst vera mikill áfellisdómur og um leið hryllilegt áfall fyrir ESB-sinnanna, sem stofnað hafa hvern flokkinn af öðrum til að slá ryki í augu fólks í undirförulli viðleitni sinni í að ljúga út meirihluta á Alþingi til að svæla Ísland til innlimunar í ESB.

Frá fyrri tíð er Samfylkingin öfgafullur ESB-flokkur, sem sér ekkert nema auðvald gömlu nýlenduherrana í Vestur Evrópu, en það hefir bara ekki dugað til. En ESB-sinnarnir eru slóttugir og strangtrúaðir í rétttrúnaði sínum á nýlenduveldagullið og þeim hugkvæmdist að setja út fleiri flokka, sem eiga að tryggja þeim meirihluta á þingi með ESB-innlimun. Hægra megin stofnuðu þeir Viðreisn fyrir hægrisinnaða ESB-aðdáendur, en til vinstri var Gunnarsmári ráðinn til að búa til ESB-úlf í sosialistasauðargæru, ósmekklegan flokk lýðskrumara og lukkuriddara. Á miðjuna var svo sópað saman einhverju göturyki og garðaúrgangi, sem það kallar Pírata. Þetta eru nú hersveitirnar, hinn nýi uppfærði fjórflokkur, sem eiga að svíkja íslensku þjóðina í hendur erlends auðvalds og blóðhunda.

Nú, ESB-flokkar eru í eðli sínu vel til hægri, með öðrum orðum auðvaldsflokkar, því óhugsandi er að raunverulegir verkalýðs- og sósíalistaflokkar vilji selja fjöregg þjóðarinnar, fullveldi og sjálfstæði, í klærnar á stórauðvaldi Evrópu. Eins og staðan er núna, má búast við að öfgaskepnur ESB-trúboðsins, sendi fleiri segulbandsvædda flugumenn út af örkinni til að ná góðum upptökum, sem kæmu þingmönnum og þeim flokka illa þar sem andstaðan við innlimun í ESB er mikil og almenn. Það er því eins gott fyrir andstæðinga ESB í poletikinni að vara sig á ESB-Talíbönunum, myndavélum þeirra og segulböndum, en þó einkum og sér í lagi á Samfylkingartalíbönunum. 

Sósíalistaflokkurinn bætir við sig fylgi

Athugasemdir

[Þorsteinn Briem, 17.8.2021 kl. 16:44]

Ekkert kemur fram í opinberri stefnu Sósíalistaflokksins um að flokkurinn sé andvígur aðild Íslands að Evrópusambandinu eða Evrópska efnahagssvæðinu (EES).

Sósíalistaflokkurinn er hins vegar eins og Vinstri grænir andvígur aðild landsins að Atlantshafsbandalaginu (NATO).

Sósíalistaflokkurinn - Utanríkismál

Ísland er de facto í Evrópusambandinu með aðild landsins að Evrópska efnahagssvæðinu (EES).

Og enginn flokkur, sem á sæti á Alþingi, vill segja upp aðild Íslands að Evrópska efnahagssvæðinu, ekki einu sinni Flokkur fólksins eða Miðflokkurinn.

[Árni Gunnarsson, 17.8.2021 kl. 21:10]

Legg til að Jóh.R. verði fenginn til að flytja skyggnilýsingar 

kosninganóttina á Rúv.