Beggó heimtur úr helju og mæðraveldinu hrundið

,,Fagna saman flöskudegi
fundið hafa barinn sinn,
Fyrir miðju er myndarlegi
maðurinn með tittlinginn".

Gott að réttlætið sigraði. Eftir að hafa verið útstrikaður úr bókum Alþingis reis Beggó bænagjörðarverkfræðingur Klaustursins, sem stundum hefir verið kennt við Miðfótunga,úr rústum eyðileggingarinnar, nýr og stálsleginn eins og endurfæddur guð. Og Miðfótungar féllu að fótum hans og sungu Mammóni lof og prís og hellilúgíja. En Albertína, Alfredóína og ungfrú Sæland tóku upp olíubrúsa og myrru og þógu honum um kríkana og smurðu á honum lendarnar og lærin stinn, og ...

Við fyrst skímu í morgun var oss kunngjört, að feðraveldið væri fallið, það hefði horfið af vettvangi um leið og síðasta atkvæðið var talið. Konur höfðu hrifsað til sín meirihluta þingmanna og voru byrjaðar að tjóðra karlana og reisa höggstokka og gálga. En svo komu kraftaverkamenn á vettvang og endurreistu feðraveldið, frelsuðu það úr ánauð, en sturtuðu, að tómri kvenvonsku og kvenfyrirlitningu, hinu nýkrýnda mæðraveldi niður í klóakið. Beggó er sem sagt væntanlegur í þinghúsið á morgun, ber að ofan og til í tuskið.

Það var Kolbeinn Kolbeinsson framsóknarmaður og skrifstofustjóri á ríkisstofnuninni sem skipaði fyrir um endurtalningu atkvæða eftir að ljóst varð að Beggó væri ekki lengur á vettvangi. Ekki er að orðlengja, að endurtalningin tókst svona fjarskalega vel til, að eftir hana lifir Beggó, en Kalli Gautur féll útbyrðis og varð eigi bjargað. Svo verður Fokkur Fólsins látinn greiða Miðfótungum tvo þingmenn í skatt og þeir færðir með valdi í Klaustrið og verða Miðfótungar þá aftur meiri en kérlíngin Sæland. 

Konur ekki lengur í meirihluta eftir endurtalningu

Athugasemdir

[Ingibjörg Friðriksdóttir, 26.9.2021 kl. 21:13]

Alveg finnst mér þetta ömurlegt og mér finnst að það eigi að telja allt upp á nýtt.  Hvernig gat þetta gerst?

[Þorsteinn Briem, 27.9.2021 kl. 00:04]

Endurtalningin í Norðvesturkjördæmi er ólögleg.

26.9.2021 (í dag):

Viðurkennir að hafa ekki innsiglað kjörseðla

Lög um kosningar til Alþingis nr. 24/2000

[Jóhannes Ragnarsson, 27.9.2021 kl. 11:22]

Sennilega hefir kosningasvindl verið stundað baki brotnu á Íslandi um áratugaskeið. Enda hafa úrslit svokallaðra kosninga aldrei verið einleikin. En hvurjir eru það sem standa þá að baki kosningahagræðingarinnar? Það væri gaman að fá vitneskju um það.