Gervivísndastýra veldur uppnámi og skelfingu í sjónvarpssal

Það gat ekki öðruvísi farið; hún er búin að vera; verður að segja sig úr vinnu, með skít og skömm; og skríða ofan í öskutunnuna, aftur á bak með lafandi tungu, eins og skáldið sagði. En það var tími til kominn. Og skemmtilegt til að vita, að það var klámfræðingurinn Siggsdögg sem kvað gervivísindastýruna niður.

Það var víst mörgum ofraun að horfa upp á hegðan gerfivísindastýrunnar úr Borgó hvar hún vóð uppi með svarragang og ódulda kvenvonsku í Kastljósinu í gærkveldi. Hvað eftir annað grætti hinn ruddafengni efrimillistéttarfémínísti kynferðisreglunnar Siggudögg með svigurmælum og fólskuglotti á vör svo Siggadögg hefir nánast verið í stanslausri áfallahjálp síðan. Eftir Kastljósþáttinn var til þess tekið að kynjaði víkingurinn úr Borgarholsskólanum hafi brunað út eins og skriðdreki og blár logi hafi staðið hvæsandi aftan úr honum.

Þá væri fróðlegt að vita hvað orðið hefir af stjórnanda þáttarins, því hann hefir ekki sést síðan þættinum lauk í gærkveldi. Starfsfólk Ríkisútvarpsins eru ekki á einu máli um afdrif stjórnandans. Sumir, og þeir eru fleiri, sem telja að hann hafi orðið undir skriðdrekanum, sem hafi afmáð hann af yfirborði jarðar, en þeir bjartsýnari vona að hann hafi læst sig inni á einu af fjölmörgum náðhúsum útvarpshússins og sé ekki væntanlegur þaðan út í bráð. En hvað sem þessu öllu líður, þá er ljóst að finna verðu ráð við kynjuðum gervivísindastýrum og koma í veg fyrir að slíkt fólk leggi ekki allt í rúst þar sem það drepur niður fæti.

Hanna Björg biðst afsökunar á framkomu sinni

Athugasemdir

[Helga Kristjánsdóttir, 28.1.2022 kl. 23:48]

Hún er ung og skynjar að allmrgir eldri líta a þessi fræði sem bersögli,virðist leggja íann strax sem vörn og það virkar ofur frekjuega. Margir gamlir byrgja inni skömm;"Hvað var ég að segja/gera". herna um árið??

[Jóhannes Ragnarsson, 29.1.2022 kl. 11:54]

Ég hélt að Íslendingar yfir höfuð kipptu sér lítið upp undan svokallaðri bersögli, í það minnsta er það mín reynsla af málefninu. Hinu er ekki að neita, að kjánahrollurinn hrislast um marga þegar þeir hlýða á ,,fræðin" hjá þessum nútíma klámskáldum.

Um fortíðina þarf ekki að fást, henni fær enginn breytt, og hrein vitleysa að velta sér upp úr henni.