Í dag ríkir grátur og gnístran tanna hjá jómfrú Snædal og Títunni

Það stendur illa í bólið hjá jómfrú Snædal og Höllu Títu í dag. Þessir orðlögðu fémínístar hafa víst ekkert betra að gera þessa stundina, þar sem þær núa borgaralegum rössum sínum fast niður í stólseturnar á ASÍ kontórnum, en að ráðast á konuna á næstu hæð með niðrandi, kynbundnum munnsöfnuði, sem þessum kerlum er auðvitað til háborinnar skammar. Nú, auðvitað dæmir jómfrú Snædal sig sjálfa með svona kjafthætti, sem hún á aungvann minnsta rétt á að brúka. Nú er ljóst, að Snædal þessi og sendingin úr forsætisráðuneytinu, hún Halla Títa, eru ekkert minna en forkastanlegur hryllingur fyrir gjörvalla verkalýðshreyfinguna. En nú hafa þær fengið einn mátulegan á ranann, og verða brátt úr sögunni.

En við hverju bjóst jómfrú Snædal eftir að hafa kynnt undir sálsýkinni og skítaskapnum í skrifstofudólgunum í Eflingu gegn félagslega kjörnum yfirboðara sínum, formanni og stjórn Eflingar? Er þessi ASÍ boðflenna svo innilega dómgreindarlaus að halda nokkuð annað væri í stöðunni fyrir Eflingu annað en að reka alla skrifstofusjakalana úr húsi eins og hvimleiða nagdýraplágu? Gerir aumingja manneskjan sér ekki grein fyrir að það eru breyttar aðstæður og breyttir tímar innan verkalýðshreyfingarinnar? Tengsl undirförulla krataeðliskrypplinga innan verkalýðshreyfingarinnar við burgeisastéttina hafa rofnað og verkalýðsrekendur á borð við jómfrú Snædal, Höllu Títu og Björn Snæbjörnsson eru á útleið. Í haust verður sópað út af ASÍ kontórnum og Drífa Snædal og Títan verða að leita Katrínar Jakkó,ef ekki verður búið að reka hana með skít og skömm út úr forsætisráðuneytinu.

En það er auðséð að krataeðlissjúklingarnir, ekki síður en atvinnurekendaauðvaldið, eru trylltir af vonsku og ausa úr sjúkum skálum reiði sinnar yfir Sólveigu Önnu og spara hvurgi stóryrðin og brigslanir um stalínisma, ógnarstjórn og einræði, svo fátt eitt sé nefnt af morgunblaðslærðum fúkyrðum hinna jafnvægislausu krataeðlissálna. Í augnablikinu bendir fátt til annars en aumingja garmarnir séu gengnir af vitinu og langtímavistun á vitfirringahælinu sé óumflýjanleg. En nú er þetta að verða búið og eftir nokkrar vikur verður Efling loksins orðin að verkalýðsfélagi í fyrsta skipti á sínum svefndrungafulla ferli.  

Fordæmir ákvörðun stjórnar Eflingar