Brátt verða öll helstu verkfærin komin í réttar hendur

Þetta líkar mér. Nú loksins uppsker kontóristaskríllinn hjá Eflingu eins og hann hefir til sáð, með uppsagnarbréfi. Nú geta þessir leiksoppar krataeðlisins og hins borgaralega óeðlis lagt niður skottin og lurðast á brott til að leita sér annars vettvangs fyrir andverkalýðslegan skítaskap sinn og heimsku. Ég óska Sólveigu Önnu og meirihluta stjórnar Eflingar til hamingju með rökræna, skiljanlega og skelegga ákvörðun. 

Ef gjörningahríðin sem krateðliseignirnar og bandamenn þeirra hjá Sjálfstæðisflokknum og öðru auðvaldi minnir á eitthvað úr sögu íslenskrar verkalýðshreyfingar eru það ofsóknir þessara afla á hendur róttækum bláfátækum verkamönnum og verkalýðsfélögu þeirra á fyrri helmingi síðustu aldar. Í þann tíð létu krataeðlisræxnin sér sæma að reka róttæk og baráttufús verkalýðsfélög úr Alþýðusambandinu og þóttust vera að gera samfélagslega skyldu sína fyrir burgeisastéttina. Enda hefir kratalýðurinn verið óaðskiljanlegur hluti borgarastéttarinnar allar götur frá því fyrir fyrri heimstyrjöld.

Nú er ekki annað að sjá en að hin róttæku öfl hafi loks náð undirtökunum í íslenskri verkalýðshreyfingu eftir aldarbaráttu. Hin róttæku hafa náð meirihluta í tveimur fjölmennustu stéttarfélögum landsins, Eflingu og VR, auk nokkurra smærri félaga. Landssamband verkafólks, Starfsgreinasambandsins féll í hendur hinna róttæku fyrir skemmstu og í haust kemur að því að ASÍ verði formlega tekið og jómfrú Snædal og Höllu Títu vísað á dyr. Þá má segja, að öll veigamestu verkfærin í verkfærakistu verkafólks og annarra láglaunamanna verði komin í réttar hendur.     

Öllu starfsfólki Eflingar verður sagt upp