Samfylkingarhrossin og önnur hross.

Það er náttúrlega skelfilegt, að láta sjö hross valsa í leyfisleysi um þjóðvegi landsins. Ef allt væri með felldu ætti að taka þessi kvikindi og salta þau þegar í stað ofan í tunnu og ef ekki hrossin þá eiganda eða eigendur þeirra, en fátt er víst betra til að bæta sér í munni en spaðsaltaður hrossaprangari.

Þá er nú hlutunum öðruvísi farið með Samfylkingarhrossin. Þau eru tryggilega vistuð innan íhaldsgirðingarinnar og sleppa ekki þaðan út fyrr en húsbændunum á höfuðbólinu þykir tími til kominn að fá sér nýja hækju. Síðast fréttist af Samfylkingastóðinu í óðaönn við að hækka launin hjá seðlabankastjórunum, sem auðvitað er mikið happa- og þjóðþrifaverk.

Sjö hross ganga laus á þjóðveginum

Athugasemdir

[Sigtryggur Karlsson, 6.6.2007 kl. 20:54]

Mér sýnist að það mætti spaðsalta fleiri en hrossaeigendur. Svona "málefnaleg" skrif dæma skrifarann til sömu örlaga og hann kýs öðrum;-)

[Sigtryggur Karlsson, 6.6.2007 kl. 20:58]

Það mætti spaðsalta fleiri en hrossabændur þó þeir séu reyndar alls góðs(?) maklegir. Svona "málefnaleg" skrif dæma höfund sinn til sömu örlaga.

[Jóhannes Ragnarsson, 6.6.2007 kl. 21:18]

Ætli Sigkarl sé að reyna að bera upp á mig að ég sé ómálefnalegur? Ef svo er, skil ég bara ekki hvað manninum gengur til.

Svo sýnist honum, að það mætti spaðsalta fleiri en hrossaeigendur !!! Hvað ætli hann eigi við með því? Spaðsalta Samfylkingarhrossin, eða hvað?

Æji, fólk er alltaf að verða ósvífnara með hveju árinu sem líður.

[Níels A. Ársælsson., 7.6.2007 kl. 01:01]

Sá gamli er viðskotaillur enda kanski ekki af ástæðulausu. Hann virðist mér hafa allt yfirbragð hrossasprangara eftir góðri ljósmynd að dæma.

[Jóhannes Ragnarsson, 7.6.2007 kl. 12:55]

Já, hann er furðu viðskotaillur af svona lífsreyndum manni að vera. Kaske var kvöldmaturinn vondur hjá honum og hann fengið nábít og garnastrekking og kræsingunum.