Protan í Rúmeníu og sægreifarnir.

Það þykir nú ekki í frásögur færandi þegar útgerðarfyrirtæki á Íslandi láta sjómenn sína varpa fiski í sjóinn, hvort heldur það er í 47 tonna vís eða þúsunda tonna vís. Miðað við þau ósköp blikna þessi skitnu 47 tonn af dýraskrokkum sem fundust í útjaðri Búkarest. Það er þó einn grundvallar munur á gírugu brottkasti kjaftagleiðra íslenskra sægreifa og fyrirtækisins Protan í Rúmeníu, sem losaði sig við hræ af dýrum á víðavangi, en það er að hinn dauði brottkastaði fiskur er falinn á hafsbotni þar sem enginn sér hann, meðan dýrahræin lágu fyrir allra augum.

Rotnandi hræ í tonna tali

Athugasemdir

[Svanur Guðmundsson, 31.7.2007 kl. 22:52]

jói það er orðin svo úldin þessi lygasaga manna einsog þíns um brottkast að manni verður flökurt.

[Jóhannes Ragnarsson, 31.7.2007 kl. 23:31]

Það er ekkert annað, er brottkastið þá ein alsherjar lygasaga? Ef svo er, þá eru þeir ansi margir lygararnir, sem segjast sjálfir hafa tekið þátt í brottkastinu fyrir kvótafíklana. En svo má líka vel vera, að ef menn hrópa nógu hátt og lengi lygi ,lygi, að sannleikurinn um brottkastið hættir að vera sannleikur.

[Valla, 1.8.2007 kl. 00:37]

Ætlaði að segja svo mikið um færslu Svans G, en er orðlaus yfir hvað hann er úldin.  Ákvað bara að segja mér er flökurt

[Snorri Hansson, 1.8.2007 kl. 03:11]

Ja allstaðar er hægt að koma rógi um íslenska útvegsmenn að. Meira að segja í frétt um úldin dýrahræ frá Rúmeníu.