Ætli Mette-Marit fái reykingakrabba.

Skohh ... ef allt væri með feldu, væri búið að draga þessa andstyggðar krónuprinsessu út á götu og rass-skella hana þar opinberlega. Ég hygg að það myndi duga til að reka úr henni tóbaksdjöfulinn fyrir fullt og allt. Það hlýtur að vera ægilegt að hafa á samviskunni, að hleypa heilu krabbameinsfélagi í uppnám með ófyrirgefanlegum dáraskap í brúðkaupsveislu.

En hvað um það. Leiðir tóbaksreyksins eru í mörgu órannsakanlegar,ekki síður en guðdómsins, því ítrekað hefur það gerst að reykingafólk hefur lokið ævi sinni án þess svo mikið sem fá vott af krabbameini. Einnig hefur það þráfaldlega komið upp á, að manneskjur, sem aldrei hafa reykt hafa fárveikst af krabba og jafnvel dáið. Enn fremur má geta þess, að til hefur verið fólk sem hefur dáið drottni sínum án þess að hafa reykt eða fengið krabbamein.

Mette-Marit krónprinsessa átalin fyrir reykingar

Athugasemdir

[Ingibjörg Friðriksdóttir, 16.8.2007 kl. 22:42]

Áður en Metta vegður hýdd á torgum úti ætti hún að fá englana hennar Mörthu mágkonu til að reka út tóbaksdjöfullinn úr búk sínum.

Þær hafa nú breyst þessar prinsessur í áranna rás.  Skyldu þær geta sofið með baun undir dýnunni sinni.   

[Þórdís Bára Hannesdóttir, 17.8.2007 kl. 10:01]

Kannski er þetta eitthvað erfðafræðilegt, tvö frændsystkini mín dóu rétt rúmlega sextug úr lungnakrabbameini, bæði stórreykingafólk

[xena, 17.8.2007 kl. 12:55]

heyrðu Sveinn... hvað kemur fortíð hennar þessu við? reykingar eru alls ekki það sama og dóp er það? á endalaust að velta henni uppúr fortíðinni?