Holl lesning fyrir þvagleggssinna.

Ég er viss um að viðtalið við Sigurbjörn Sveinsson er bæði nauðsynleg og holl lesning fyrir allt það fólk fylltist sannri þórðargleði yfir þvagleggsmeðferðinni, sem konan sem tekin var af skósveinum stjörnusýslumannsins í Árnessýslu mátti þola. Verst er að þeir sem þarna áttu hlut að máli skuli ekki kunna að skammast sín og viðurkenna að þeim hafi orðið á í þvagleggsmessunni. 

Konan beitt ofbeldi

Athugasemdir

[Omega3, 23.8.2007 kl. 07:36]

Þú talar eins og Sigurbjörn Sveinsson sé Guð almáttugur. Þetta er bara skoðun eins manns. Ef Sigurbjörn myndi hugsa málið ögn lengra þá myndi hann eflaust komast að annari niðurstöðu.

Hann hefur ekki hugmynd um hvað þessi kona getur haldið lengi í sér eða hvort hún léti á endanum þvagið gossa í buxurnar. Og hvað ætti að gera í því tilfelli? Vinda úr buxunum í glas?

Konan réð atburðarásinni og hafði í hendi sér hvernig þetta mál endaði.

[Ásta Gunnlaugsdóttir, 23.8.2007 kl. 09:43]

Omega, hér ert þú að tala um formann Læknafélag Íslands. Læknar taka eið um að valda engum skaða á sjúklingum sínum, formaðurinn er einn þeirra sem á að styðja við verkreglur.

 Eða eigum við ekki að hlusta á læknaformenn í þessu máli, bara lögregluna? Hvaða sannanir hefur þú um að virðulegur formaður Læknafélagsins sé að vinna vinnuna sína nokkuð verr en löggurnar?

[Gunnar Skúli Ármannsson, 23.8.2007 kl. 10:30]

Omega:

Hversu lengi konan getur haldið í sér? SVAR: Skiptir ekki máli, lögreglan er á vöktum þannig að það er alltaf opið.

Hvort vinda ætti buxurnar? SVAR: að sjálfsögðu.

[Gunnar Th. Gunnarsson, 23.8.2007 kl. 16:19]

Verður þá ekki að taka hana úr buxunum án hennar vilja? Ó gvöð...hryllingur.

En kannski hefur hún pissað áður í buxurnar, kannski er sýnið ekki marktækt... hver veit, ekki ég

[Ingibjörg Friðriksdóttir, 23.8.2007 kl. 16:46]

Guð minn allmáttugur, ég hefði svarið það að þú Jóhannes styddir ekki þessa vitleysu.  Ekki myndi ég treysta fólki fyrir börnunum mínum, sem styður þetta kjaftæði.  Ef þið viljið heyra mitt álit þá bendi ég ykkur á síðuna hennar Höllu: 

http://hallarut.blog.is/blog/hallarut/

Ég hef nefnilega ákveðið að segja ekki meir, en vísa í það sem ég skrifaði þar, bæði mikið og oft, varðandi þetta mál.  Mér er það mikið í mun að fólk, sjái að það vaði í villu.  OMEGA, ef þú lest þetta, þá gæti ég ekki orðað þetta betur.

Konurræfillinn, hafði þetta gjörsamlega í hendi sér, Við megum aldrei falla í þá gryfju að kenna Bakkusi um.  Enda hefur Bakkus enga siðferðiskennd og ber enga ábyrgð á þeim sem hans neyta.

 Jóhannes, mig langar virkilega að heyra skoðun þína.

[Ingibjörg Friðriksdóttir, 23.8.2007 kl. 16:48]

http://hallarut.blog.is/blog/hallarut/entry/292778/#comments

[Jóhannes Ragnarsson, 23.8.2007 kl. 18:47]

Það fer ekki á milli mála í mínum, að athæfi lögreglunnar og hinna svokölluðu heilbrigðisstarfsmanna á Selfossi gagnvart konunni flokkast hreint og klárt undir ofbeldi og mannvonsku. Og ekki er huggulegra að verða vitni að því, að fjölmargt fólk virðist styðja ofbeldið og mannvonskuna. Mér verður ósjálfrátt hugsað til félaga Jesú þegar hann skakkaði leikinn þegar landar hans hugðust grýta bersyndugu konuna.

[Ingibjörg Friðriksdóttir, 23.8.2007 kl. 19:12]

Nú hætti ég,  ef þú Jóhannes ætlar að líkja þessum tveimur konum saman, þeirri bersyndugu, sem var gæðin uppmáluð og gerði karlmönnum greiða og vonandi hafði sjálf eitthvað gaman af, og þessarri béstíu sem var svo drukkin undir stýri að hún gat rétt eins hafa drepið mann og annan.

Nei ég er búin á því, ætla að slökkva á vélinni og reyna að hugsa um eitthvað annað,