Boðflenna á friðarfundi

Samkvæmt fregnum af fréttamannafundi Yoko Ono kemur fram að í upphafi fundar hafi Vihjálmur Vilhjálmsson tilkynnt Yoko, að Reykvíkingar væru stoltir af því að friðarsúlan yrði reist hér og treysti því að hróður hennar bærist víða um heim. Hverskonar skrípalæti eru þetta? Hvað er boðflenna úr innsta hring Sjálfstæðisflokksins að þvælast á þessum fundi. En eins og allir ættu að vita, þá hefur Sjálfstæðisflokkurinn alla tíð verið taglhnýtingur stjórnvalda í Bandaríkjunum og þar með hernaðarhyggju þeirra. Ja sveittann!

Ein friðarsúla nægir Yoko Ono

Athugasemdir

[halkatla, 9.10.2007 kl. 14:49]

þetta tengist allt, Yoko Ono er ábyggilega í vasanum á Bandaríkjastjórn líka, þetta er útreiknað dulspeki samsæri meiraðsegja 67 ára afmæli John Lennon, 6+7=13, og svo segir hún að galdrakrafturinn komi úr norðri, mér líst alls ekki á blikuna yfir þessu

en friður er góður, það þarf meira af honum og þessvegna eiga sjálfstæðismenn og þeirra líkar ekkert að komast í stjórn!  

[Guðmundur Björn, 9.10.2007 kl. 16:44]

Eru þá bara sósíalistar og kommúnistar eins og þú virðist vera friðarsinnar??  Pol Pot? Che Guevara? Stalín? 

[Jóhannes Ragnarsson, 9.10.2007 kl. 17:07]

Þegar stórt er spurt, Guðmundur minn Björn, verður oft fátt um svör. Hinsvegar er mér sönn ánægja að upplýsa þig um að bæði ég og John Lennon vorum bæði og erum friðarsinnar, sósíalistar og kommúnistar. Þá tel ég rétt að upplýsa þig um, að sá þokkafénaður Pol Pot, sem þú nefnir, var um sína daga gegnheill sjálfstæðismaður, gott ef ekki heiðursfélagi í Sjálfstæðisflokknum.

[Guðmundur Björn, 9.10.2007 kl. 17:44]

Ég spyr bara stór því stórt er sagt!  

Væri ekki skrýtið ef borgarstjórinn myndi ekki mæta, en allar þær kaffihúsamiðbæjarrottur a la 101, sem verða örugglega sjóveikar á leið til Viðeyjar fá boðskort?

[Jóhannes Ragnarsson, 9.10.2007 kl. 18:00]

Það væri enn skrýtara ef Vilhjálmur borgarstjóri léti sjá sig við athöfn helgaða minningu Johns Lennon. Ef Vihjálmur og hans nótar ætla samt sem áður að skáskjóta sér út í Viðey í kvöld flokkast slíkt gönuhlaup einfaldlega undir velgjandi hræsni. 

[Guðmundur Björn, 9.10.2007 kl. 22:22]

Af hverju?  Að því að þú ert að tengja hann við einhvern stríðsrekstur? Þið eigið eitthvað erfitt greyin þarna á vinstrivængnum.  

Það er eins og þið haldið að Davíð Oddson hafi stigið fyrsta skrefið inn í Írak á undan landgönguliðinu bandamanna.  Er ekki kominn tími til að hætta þessu innihaldslausa væli og snúa sér að einhverju öðru? 

[Jóhannes Ragnarsson, 10.10.2007 kl. 09:37]

Allt hefur sinn tíma Guðmundur minn Björn. Líka umræðan um óviðfelldið smjaður sjálfstæðismanna við ekkju Johns Lennons og framtak hennar í Viðey. En tenging Sjálfstæðisflokksins við innrás stríðsherrana í Wasington, og umsvif þeirra, er svo augljós, að fram hjá henni verður ekki gengið.