Misheppnaðir boltagutlarar í Noregi ættu að halda sér á mottunni

Það er víst lítil ástæða til að taka ósæmilegt orðbragð einhverra íslenskra boltagutlara í Noregi um Eyjólf Sverrisson alvarlega. Þessir gutlarar eru hvort sem er misheppnaðir þegar fótamennt í knattspyrnu er annars vegar og ættu því að hafa hægt um sig. Hitt er svo aftur annað mál, að Eyjólfur hentar íslenska fótboltalandsliðinu einkar vel og má í því tilviki segja, að þar hæfi kjaftur skel. Nú, ef þessum ódámum tekst að hrekja Eyjólf á brott, er áreiðanleg best að landsliðssveinum okkar verði færður breskur rugbyþjálfari til að freista þess að láta þá spretta úr spori.

Eru landsliðsmennirnir óánægðir með Eyjólf?

Athugasemdir

[Jóhannes Ragnarsson, 24.10.2007 kl. 14:22]

Ójá, ég held, þegar allt kemur til alls, að þú hafir lög að mæla Línbergur.

[Stefán Þór Steindórsson, 24.10.2007 kl. 14:33]

http://rocco22.blog.is/blog/rocco22/entry/340805/

[Jóhannes Ragnarsson, 24.10.2007 kl. 14:42]

Þeir staðfesta það sjálfir, noregsgutlararnir, sem ég var að segja, að það væri ástæðulaust að taka þá alvarlega. Ég heyrði í Óla grindvíkingi í Brann í útvarpinu rétt fyrir hádegi og þá var hann á harðaspretti á undan því sem fjölmiðlar í Noregi höfðu haft eftir honum.