Hægrimenn og dauðarefsingar

Það er ekki vert að fresta því sem koma skal, og í því ljósi er alveg bráðnauðsynlegt fyrir yfirvöld í Alabama að aflífa þrjótinn Siebert. Ég er hræddur um að eitthvað hefði hvinið í tálknunum á frelsisunnandi lýðræðisprömmum Vesturlanda, ef þetta hefði gerst í Svét á dögum Jóefs sáluga Stalíns. Svo væri virkilega áhugavert að komast að hvaða afstöðu íslenskir hægrimenn hafa til dauðrefsinga. En nefndir hægrimenn hafa, svo lengi sem elstu menn muna, verið páfanum kaþólskari á allt sem gerist undir handarjaðri auðvaldsins í Bandaríkjunum. Mig grunar t.d. að stuðningur við dauðarefsingu sé glettilega mikil í raun innan vébanda Sjálfstæðisflokksins, þó svo að kvikindin hafi, enn sem komið er, ekki þorað að koma út úr skápnum hvað þetta varðar. Já, þeim er flest til lista lagt þarna í ekkisens frjálshyggjurottuholunni.

Drifið í aftöku áður en fangi deyr úr krabbameini

Athugasemdir

[Fannar frá Rifi, 24.10.2007 kl. 17:38]

Jóhannes. Núna keyriru um þverbak. Vinstrimenn hafa verið jafn ötulir stuðningsmenn dauðarefsinga og aðrir. reyndar ef þú gæfir þér tíma til að skoða málinn þá  sæiru að fylgni við dauðarefsingar fer ekki eftir pólitískum skoðunum. 

Annar er hægt að segja um alla þá sem hylltu sovétið séu fylgjendur þrælahalds og dauðarefsinga. Jóhannes er þú fyljandi þrælahalds og dauðarefsinga? 

[Jóhannes Ragnarsson, 24.10.2007 kl. 18:06]

Það er best að koma því á framfæri strax, Fannar, að ég er og hef alltaf verið svarinn andstæðingur þrælahalds og dauðarefsinga, hef algjöran og fullkominn viðbjóð á hvoru tveggja. Í mínum augum geta fylgjendur slíks óþverra ekki undir nokkrum kringumstæðum talist til vinstrimanna. 

[Fannar frá Rifi, 24.10.2007 kl. 19:48]

Hvað kallaru þá Gúlökinn í Rússlandi og vinnuþrælkunar búðir sem kínverjar reistu? bæði mikil komma ríki og samkvæmt síðustu fréttum voru kommar taldir til vinstri. 

[Jóhannes Ragnarsson, 24.10.2007 kl. 20:52]

Ég þekki svo sem ekki mikið til þessara staða sem þú nefnir. En ill meðferð á föngum og vinnuþrælkunarbúðir eiga ekkert skylt við kommúnisma eða aðra vinstripólitík, svo mikið er víst.

[Fannar frá Rifi, 24.10.2007 kl. 21:05]

nei ekki frekar enn dauðarefsingar eiga skylt við kapítalisma eða hægri pólitík.