Kaupás á móti öllu

Bölvuð endemi eru þessir Kaupáspungar. Þeir eru fjandakornið ekkert skárri ern Vinstrigrænir, þ.e. á móti öllu. Meira að segja þegar gott fólk reynir að vanda um við þá, bregðast þeir illir við eru á móti hinu góða fólki sem vill þeim ekki nema gott eitt.  

Kaupás mótmælir ásökunum um samráð og blekkingar

Athugasemdir

[Þórbergur Torfason, 3.11.2007 kl. 00:57]

Jói minn farðu nú ekki að líkja þessu helv. framsóknarpakki við VG. Það finnst mér full langt gengið. Þó eitt sé líkt með Kaupáspungum og VG. þ.e. neita að taka tilsögn, er ekki hægt að spyrða þessa tvo hópa saman á annan hátt. Málefnin sem að baki liggja eru ekki alvag sambærileg.

[Jóhannes Ragnarsson, 3.11.2007 kl. 08:08]

Þessi litla færsla, mín var satt að segja ætluð til að sýna fram á hve áróðursfrasinn um að VG ,,væri á móti öllu" er heimskulegur og óskammfeilinn. Þó að ég setji heilmörg spurningarmerki við VG þá held ég, að sem betur fer, eigi sá flokkur fátt sameiginlegt með sjónhverfingadrjólunum í Kaupás og Högum, eða hvað svosem þau heita þessi fyrirbæri sem notuð hafa verið til að koma eigendum sínum í heilagra manna tölu.

Það má geta þess, lesendum til glöggvunar, að frasinn um VG á móti öllu er upprunninn í þeim enda framsóknarfjóssins sem nautgripahjörð Halldórs Ásgrímssonar heldur til.