Guðdómurinn lætur ekki að sér hæða

Það þarf ekki að koma neinum á óvart, að guðdómurinn birti tákn um úlfakreppu yfir landsbyggðinni. Landsbyggðin er, eins og allt vitiborið fólk þekkir, á fallanda fæti; í sannkallaðri úlfakreppu af mannavöldum. Höfuðorsök kreppunnar er hið aræmda kvótakerfi í sjávarútvegi. Ef heldur sem horfir og kvótafíklarnir láta aðvaranir, bæði Guðs og manna, sem vind um eyru þjóta, mun landsbyggðin hrynja til grunna að stórum hluta, á allra næstu árum.   

Sólin í úlfakreppu á Fjarðarheiði

Athugasemdir

[Þórbergur Torfason, 11.11.2007 kl. 23:19]

Sæll Jói. Ég kýs að svara þér á þínum heimavelli. Við Hannes þekkjumst lítillega. Geturðu nefnt mér einhvern Íslending sem gæti látið hann tvöfalda slíka tölu sem vaxtamun einkabankanna? Ég efa að þú finnir nokkurn annan núlifandi. Hann hækkaði sig úr 1,9% í 4%. Ég sagði bara húrra fyrir mér. En hver er þín skoðun á vaxtamun í íslenskum bönkum?

kv.

[Einar Bragi Bragason., 12.11.2007 kl. 00:16]

Seyðisfjörður er magnaður......

[Jóhannes Ragnarsson, 12.11.2007 kl. 21:30]

Það er nú það Þórbergur. Fyrir ekki svo voðalega mörgum árum síðan voru okurlánarar, sem komst upp um, hnepptir í fangelsi fyrir fjármálaiðju sína. Nú er okurlánurum, í gervi virðulegra banka, hampað og kraftaverkum af himnum ofan og enginn talar um Litla-Hraun eða Kvíabryggu og okurlánarana í sömu setningu. Þetta er mín skoðun á vaxtamun í íslenskum bönkum.

Annars var sérlega vel af sér vikið hjá þér að snúa örlítið ofan af Hanezi H. Gizurarzyni. Það væri ómaksins vert, ef þú gætir snúið meira ofan af karlinum. Þú veist, að það er stundum erfitt að losa ryðgaða skrúfu, en þegar hún hefur mjakast fyrsta millimeterinn losnar hún oft hratt og örugglega. Það væri gleðilegt ef þér auðnaðist að losa Hanez blessann úr ryðhafti frjálshyggjunnar, þannig að hann verði skaðlaus það sem eftir er.