Áfengismenning ölvaðra olíubílstjóra

Svo hafa fjölfróðir menn í áfengismenningu sagt mér í trúnaði, að fátt sé eins yndislegt og að aka fullfermdri eldsneytisbifreið vel drukkinn. Fullum manni á olíubíl líður, að sögn þessara manna, eins og dyggðum prýddum konugi sem er að gilja frillu sína í næsta herbergi við drottninguna. Og að ljúka slíkri ökuferð með góðri veltu út í urð, kvu líkjast mest stórbrotnum lokahnykk sama konungs og frillunnar. Hinsvegar má ýmislegt að slíkum ökuferðum finna og þá einkum viðkomandi ökumönnum. Satt að segja ætti að endurreisa Svartholið á Bessastöðum og slaka þangað niður þeim delum sem komist hafa undir mannahendur fyrir að valsa um blindfullir á eldsneytisvögnum. Auk þess yrði mjög gaman fyrir forseta vorn og eiginkonu hans að taka sér gönguferð út að Svartholinu á sunnudögum og henda brauðmolum niður til ódámana sem þar eru fyrir. En áfengi og kvenfólki má ekki fleygja niður til þessara manna því þeir kunna sér ekkert magamál þegar þessháttar munaður er í boði.     

Ökumaður olíubíls grunaður um ölvun

Athugasemdir

[Þórbergur Torfason, 10.12.2007 kl. 14:45]

Á þetta að vera skemmtileg saga eða ertu að dylgja um einhvern sekan olíubílstjóra?

[Þórbergur Torfason, 10.12.2007 kl. 14:48]

Afsakaðu, mér yfirsást tengingin og hafði ekki heyrt eða séð þessa frétt.

[Þorsteinn Heiðar Ólafsson, 10.12.2007 kl. 15:11]

Hvers konar þvaður er þetta? Eru menn virkilega svona mikil fífl að halda að menn stundi það að keyra ölvaðir á eldsneytisbílum. Mér finnst að það ætti að taka það til athugunar að loka fyrir þessa bloggara sem ekki hafa neitt gáfulegra að segja.

[Jóhannes Ragnarsson, 10.12.2007 kl. 18:04]

Guð hjálpi mér, en málflutningur Þorsteins okkar hérna Heiðars minnir mig óneitanlega á afstöðu Kamarillu húsfreyju að Fæti undir Fótarfæti til ritaðs máls.