Sóleyjarisminn ríður VG-röftum til falls.

 Sóley Tómasdóttir

,,Róttækur femínisti sem ætlar að bjarga heiminum. Ritari Vinstrihreyfingarinnar græns framboðs, formaður mannréttindanefndar, fulltrúi í menningar og ferðamálaráði og varaborgarfulltrúi."

Það er ekki amalegt fyrir VG að hafa snillinginn Sóleyju Tómasdóttur í framvarðarsveit sinni. En þrátt fyrir óumdeilanlega snilld sína er mér samt samt gjörsamlega hulin ráðgáta hvernig það kom til að þessi valkyrja var gerð að ritara VG því hæfileikar hennar og snilld eru ekki þess eðlis að þeir geti komið stjórnmálaflokki að öðrum notum en neikvæðum.

Nú er það svo, að með framgöngu sinni hefur Sóleyju og hennar fylgiliði tekist á undraskömmum tíma að koma slíku óorði á VG að varla verður við unað lengur af öðrum forustumönnum flokksins, nema þeir séu samskonar andlegir fátæklingar og Ritarinn makalausi.

Það þýðir semsé ekki meir fyrir félaga Ögmund Jónasson, formann þingflokks VG og Steingrím J. flokksformann að gera minnstu tilraun til að reyna að verja hinn sérkennilega sóleyjarisma, sem riðið hefur húsum á VG-bænum í alltof langan tíma eins og kaþólskur miðaldadraugur. Lyfti nefndir herramenn svo sem litlafingri til stuðnings þessum blábjánum lenda þeir með flokkinn úti í því kviksyndi þar sem hvergi kennir botns og engi á afturkvæmt úr - sem væri svosem ágætt útaf fyrir sig og sennilega nauðsynlegt skref í að endurreisa róttæka vinstristefnu á Íslandi, sósíalisma.

En hvað sem öðru líður, hlýtur að vera freistandi fyrir Steingrím og Ögmund að taka höndum saman um að úthýsa yfirstéttarfémínísmanum og öllu því rugli sem honum fylgir úr VG og reka Ritarann bráðgáfaða og aðra sóleyjarista úr flokknum.  

Ósáttir við jólakort femínista

Athugasemdir

[Sigurður Hólmar Karlsson, 21.12.2007 kl. 20:15]

Góður punktur einhvernvegin er manni farið að detta þessi Sóley í hug þegar minnst er á VG,sem annars var ágætiskostur

og það er ekki flokknum til framadráttar  og mundi ég ekki vilja þurfa að leita til hennar hjá borginni heldur.

[Jóhannes Ragnarsson, 21.12.2007 kl. 22:45]

Þau eru orðin andskoti mörg mistökinn hjá VG varðandi persónur og leikendur í flokknum. Og ekki hefur nú heiðarleikinn verið baktjaldaliðinu fjötur um fót í þeim efnum og útkoman eftir því.

Sem einn af þátttakendum í stofnun VG get ég ekki verið annað en mjög ósáttur horfa upp á ótrúlega úrkynjun og annan heilsubrest þessa flokks sem margir bundu vonir við á sínum tíma.

[Ólafur Jóhannsson, 25.12.2007 kl. 16:21]

Það upp vex sem til er sáð. Þegar drasl eins og Sóley er haft í framvarðarsveit flokks þá er greinilegt að innviðir flokksins eru gerðir úr sama efnivið.

Forðaðu þér áður en þú verður á næsta jólasveinakorti. Textin á því verður sennilega: Giljagaur óskar þess að Jói Ragnars hætti að yrkja karlrembukvæði