Velþefjandi skartgripaskjóður álykta

Og ekki láta hinar stífpúðruðu yfirstéttarkerlingar í Landssambandi sjálfstæðiskvenna uppá sig standa að freta út ályktun til stuðnings VillaVill. Í leiðinni eru þessar velþefjandi skartgripaskjóður að lýsa gleði og fögnuði yfir að VillaVill, og hans gengi, skuli á tillits- og miskunarlausan hátt hafa tekist að fífla heiðursmanninn og einfeldninginn Ólaf F. til fylgilags við sig með hálfum borgarstjórastól. Það fer varla framhjá neinum, að umrædd ályktun ber þeim sem samþykktu hana ekki fallega sögu. Ónotaleg framhleypni auðvaldskerlinganna í hinu gagnmerka Landsambandi sjálfstæðiskvenna ber að þessu sinni velgjandi dám af illu innræti þar sem ekkert tillit er tekið tekið til velferðar Ólafs F. Magnússonar sem var svo innilega óheppin að vaða eins og blindur hvolpur út í lygakviksyndi Sjálfstæðisflokksins. Megi Guð gefa að honum verði bjargað heilum að húfi úr þeirri forarvilpu.   

Sjálfstæðiskonur fagna nýjum meirihluta

Athugasemdir

[Vilhjálmur Andri Kjartansson (IP-tala skráð) 26.1.2008 kl. 14:36]

Hvaða ótrúlegi dónaskapur er þetta. Ég held að þú ættir að halda þig við kvótakerfið og lyktina þar þó svo ég efist um að þú hafir vitsmuni til að álykt nokkuð um eignarhald á kvóta og þýðingu þess.

[Jóhannes Ragnarsson, 26.1.2008 kl. 14:46]

Sá er munurinn á mér og þér, að ég veit út á hvað kvótakerfið gengur og hvernig það hefur leikið samfélagið, en þú ekki.

Að öðru leyti vísa ég aðdróttunum lítilla auðvaldsóvita í minn garð út í hafsauga, en fyrirgef þeim þó vegna þess að þeir vita ekki hvað þeir gera.

[Eggert J. Eiríksson, 26.1.2008 kl. 15:15]

Jaa hérna..

Er það ekki vottur um grófar alhæfingar að halda því fram að það séu engir aðrir en feitríkir auðvaldsinnar sem kjósa Sjálfstæðisflokkinn ??

Gætum við þá ekki allt eins sagt að Samfylkingar fólk sé upp til hópa listamenn í lopapeysum ??

Ég held ég dragi sömu ályktun og Vilhjálmur hérna og segi þig dóna, og það BARA af því að ég veit hvar ég er stattur í þjóðfélags stiganum og veit að flokkarnir (hver þeirra sem er) eru alls ekki einhver ákveðinn þverskurður stétta eða tegund vinnuafls.

Kv EJE

[Eggert J. Eiríksson, 26.1.2008 kl. 15:16]

p.s. mér er svosem slétt sama hvað skrifað er neðan við fyrirsögn og fyrstu málsgrein, það er þarna efst sem þú skýtur þig í fótinn.

Kv EJE

[Jóhannes Ragnarsson, 26.1.2008 kl. 15:33]

Hver ætli hafi hadið því fram að það væru bara ,,feitríkir" auðvaldssinar sem kjósa Sjálfstæðisflokkinn ?

Því miður lætur alltof margt saklaust og gott fólk glepjast til að kjósa Sjálfstæðisflokkinn, flokk peningageðsýkinnar, fjárplógsmanna, braskara og ójafnaðarmanna. Auðvitað er bráðnauðsynlegt að koma þessum félega auðvaldssöfnuði frá á sem flestum sviðum þjóðlífsins til langs-langs tíma. Það er nefnilega komið nóg.

[halkatla, 26.1.2008 kl. 15:39]

þessi fyrirsögn lætur mér líða einsog ég sé á ascot veðreiðunum, svona klassa vil ég sjá víðar

[Ingibjörg Friðriksdóttir, 26.1.2008 kl. 19:06]

Sæll, eigum við að ræða það eitthvað?

Éf er stödd í Þýskalandi, reyni að fylgjast með og sleppi því ekki lengur einn dag að kíkja á síðuna þína.   Þú kemur því svo skemmtilega frá þér, hvað ég er að hugsa.

Þeir sem eru að skensa þig, hafa sennilega ekki hlustað á Hannes Hólmstein hérna á miðviku eða fimmtudags kvöld.  Þar sem hann segir svo skemmtilega frá því að sjálfstæðismenn séu foringjahollir og ekkert svo sérstaklega pólítískir.  Þeir hugsi um að græða peninga á daginn. fyrir sig og sína og grilli svo á kvöldin.

Þetta viðtal minnti mig á setningu sem dóttir mín sagði þegar hún var ca tíu ára gömul.:  Mamma ég ætla að kjósa Sjálfstæðisflokkin þegar ég verð stór, svo ég  verði rík eins og Stella og Árni.

Þetta sjálfstæðisfólk (hjörðin) sem HH talaði um skortir almenna rökhugsun eins og dóttur mína á sínum tíma.  Venjulega eru þeir svo sem veljast til forystu fyrir þetta ósjálfstæða fólk, heldur greindari en það.  En núna hefur þetta eitthvað snúist við, þannig að við getum bara prísað okkur sæl.  ´

Ég trúi því ekki að greindarvísitala landans sé með þeim hætti að þessi síðasti gjörningur þessarra fávita, með velþóknun  forsetisráðherra, ásamt fleirum svo ég tali nú ekki um, þeirra sem þú getur í fyrirsögninni, verði þeim til annars, en ævarandi skammar og enanlegs hurns, eins og Rómarveldi á sínum tíma.

[Ingibjörg Friðriksdóttir, 26.1.2008 kl. 19:10]

Bið afsökunar á innsláttarvillum og þvílíku, ætti auðvitað að lesa yfir, áður en ég ýti á send.  En ég er hvorki skyld Össurri né er með gleraugun með mér.  Það veitir mér öryggiskennd að vita að þú! Jóhannes ert umburðarlyndari en fólk flest .

[Ingibjörg Friðriksdóttir, 26.1.2008 kl. 19:12]

Torfhildur!

Um hverja ert þú að tala? þegar þú nefnir litla manninn.  Hverjir eru litlir í þínum huga?  Í mínum eru það sjálfstæðismenn sem skrifa uppá fyrir Villa Vill.

[Óskar Helgi Helgason (IP-tala skráð) 27.1.2008 kl. 01:24]

Heill og sæll, Jóhannes minn æfinlega !

Tek undir; með þér, sem allmörgum skrifaranna, hér á síðu. Vilhjálmur Andri Kjartansson er einn þeirra hortitta, hverjir alist hafa upp, á hnjám Hannesar Hólmsteins Gissurarsonar, Ekki von á neinu vitlegu, úr þeirri áttinni. 

Með beztu þjóðernissinna kveðjum, úr Árnesþingi / Óskar Helgi Helgason

[Hans Magnússon (IP-tala skráð) 29.1.2008 kl. 18:07]

Jóhannes er maður sannleikans!:)

[Jóhannes Ragnarsson, 29.1.2008 kl. 19:59]

Þar hittir þú naglann á höfuðið, Hans.