Auðjöfrar á vergang

Ójá, svo bágt er ástandið, að innan skamms verða okkar ástsælu útrásarberserkir, fjármálajöfrar og sælu auðvaldsbelgir komnir á vergang og farnir að eta opinberlega uppúr sorptunnum til að treyna eitthvað lengur í sér líftóruna.

Ekki vil ég meina að óhjákvæmilegt skipbrot þessara karla komi til með að teljast til héraðsbresta af nokkru tagi, en hrífandi verður það og skemmtilegt og  hláturmildu fólki sannkölluð guðsgjöf.

Og satt að segja vorkenni ég ekki hinum verðandi útigangsmönnum, þeir hafa þegar tekið út sín laun og rúmlega það.

Óttast íslenska kollsteypu

Athugasemdir

[Jóhannes Ragnarsson, 12.2.2008 kl. 22:00]

,,Bjarnarstofninn í Slóvakíu telur alls um 800 dýr og er of stór, og kann að vera þörf á að grisja hann til að afstýra hættu á að birnir ráðist á menn, að því er framkvæmdastjóri Náttúruverndarstofnunar landsins greindi frá í dag. Það gerist æ oftar að menn komist í kast við birnina.

Við bestu aðstæður þarf hver björn um sig tvö þúsund hektara yfirráðasvæði, en vegna þess hve þeir eru nú margir hefur hver þeirra ekki nema átta til níu hundruð hektara.

Af þessum sökum hafi margir birnir vanist á að éta úr ruslatunnum í dreifbýli, og þeir þurfi að berjast um fæðu og séu því taugaveiklaðri en ella og ráðist frekar á fólk.

Á næstu fjórum árum á að telja birnina til að fá nákvæmari mynd af stöðu mála, og í framhaldinu verður tekin ákvörðun um hvað gera skuli."