Jénífera gyrðir ærlega uppum sig

Ósköp er nú mikið í það varið hjá henni Jéníferu að vera búin að leggja allt kynferðislíf á hilluna því þetta tiltekna ,,líf" er náttúrlega eins og hver annar subbuskapur og öllum til hnjóðs sem það stunda. Það er því mikið gleðiefni, að vitsmunavera eins og Jénífera, skuli hafa séð ljósið í myrkri frumskógarflækju eðlunarfýsnarinnar, og í framhaldi af því gyrt ærlega uppum sig í eitt skipti fyrir öll. Afturámóti fipast henni illilega þegar hún fellur í það forað að tala um ,,sanna ást." Sönn ást er að sjálfsögðu ekki til, aðeins girnd eða gredda, eða hvað menn og konur vilja kalla það.

Svo er bara að vona að fleiri konur taki Jéníferu sér til fyrirmyndar með því að gyrða sig myndarlega í brók. Geri þær það ekki, eiga þær á hættu að fá á sig nafnbótina ,,brókarsóttargemlingur." 

Ekkert kynlíf í hálft ár

Athugasemdir

[Kjartan Pétur Sigurðsson, 27.2.2008 kl. 15:38]

:)

[corvus corax, 27.2.2008 kl. 16:40]

Nú hljótum við að hafa misst af einhverju, hver er hún aftur þessi manneskja? Vinnur hún í Bónus eða einhverju leikhúsi? Kannski á pöbb? Við megum eiginlega ekki vera að þessu núna því efnahagsdrepsótt græðgisvæðingar bankanna er mest aðkallandi núna. Er hún kannski í einhverri greiningardeildinni? Greiningardeild öryggisráðs femínistafélagsins?