Náttúrspjöll

Ætli það sé meiningin að fólk eigi að trúa þessum loðnumælingarsjónhverfingum? Svona stærðfræðikúnstir minna mann á meistara Sölva Helgason þegar hann sínu alkunna lítillæti reiknaði hvít barn í svarta konu suðrí Afríku! En hvað um það, eigendur loðnuskipanna höfðu sitt fram, eins og fyrri daginn. Eftir stendur geðlaus og glataður sjávarútvegsráðherra sem ætti að segja tafarlaust af sér.

Áframhaldandi loðnuveiðar er ekki hægt að flokka undir annað en náttúrspjöll; hættuleg inngrip í lífkeðjuna, sem getur haft mjög alvarlegar afleiðingar í för með sér til lengri tíma. Á þessum punkti á náttúran að njóta þess vafa sem uppi er um stofnstærð loðnunnar, allt annað er ókræsilegur sambreyskingur af skammtímahagsmunum, græðgi og heimsku.   

Einar: „Mjög ánægjulegt“

Athugasemdir

[Ingibjörg Friðriksdóttir, 27.2.2008 kl. 19:16]

Jóhannes, jáaaaaaaaaaaaaáaáááá!

En, veiðum hvalinn, sem étur alla loðnuna okkar. 

Mig er farið að gruna að þú sért grænmetisæta, ef svo er þá ætla ég að biðja þig að hætta því, vegna þess að plönturnar sjá okkur fyrir súrefni. 

[Ársæll Níelsson, 27.2.2008 kl. 19:25]

Undarleg athugasemdin hér að ofan. Ég átta mig á kaldhæðninni en hvað er manneskjan eiginlega að fara?

[Ingólfur H Þorleifsson, 27.2.2008 kl. 20:06]

Þú veist nú ekkert hvort þú ert að koma eða fara. Núna viltu láta náttúruna njóta vafans, en þegar Einar sker niður þorskkvótann þá er náttúran ekki efst í huga þér. Hvers vegna má vernda eina tegund en ekki hina. Held að þið ættuð að hætta að tjá ykkur um þessi mál, það skín í gegn að þið eruð bara að hugsa um eigin hag, á meðan ráðherrann er að hugsa um hag heildarinnar.

[Jóhannes Ragnarsson, 27.2.2008 kl. 20:49]

Ef það hefur farið framhjá þér, Ingólfur minn, þá hefur ætisskortur hrjáð þorskstofninn í þó nokkuð mörg undanfarin ár. Og þar sem loðnan er helsta fæði þorsksins þá er afskaplega varhugavert fyrir menn að ganga á loðnustofninn með skefjalausri rányrkju. Það er eins og að kippa fótunum undan sjálfum sér. Þetta er í raun og veru mjög einfalt reikningsdæmi, mun einfaldara en að reikna á nokkrum klukkustundum að það sé svo og svo mikið magn af loðnu í sjónum sem óhætt er að veiða.

Helstu hrygningarstöðvar loðnunnar eru í Breiðafirði og þar eru einnig einhverjar mestu hrygningarstöðvar þorsksins. Það veldur mönnum óneitanlega mikilum áhyggjum að loðnugöngur inn á Breiðafjörðin hafa mörg síðustu árin aðeins verið svipur hjá sjón miðað við það sem áður var. Hvaða áhrif þetta hefur á lífríki Breiðafjarðar hefur ekki verið sannað vísindalega í neinum smáatriðum, eða stórum, svo ég viti, en þessu mikilvæga hlekk í lífríki hafsins umhverfis landið hefur óneitanlega hrakað jafnt og þétt. Og það læðist að manni sá grunur að harkalegar loðnuveiðar síðustu áratugi eigi þar stærsta sök á. Í því ljósi er blátt áfram nauðsynlegt að stöðva allar loðnuveiðar hér við land til langs tíma og láta náttúruna njóta vafans.    

[Níels A. Ársælsson., 27.2.2008 kl. 21:05]

Jói. Ingólfur skilur ekki þessi rök.

Kjáninn heldur að það sé sama sem merki á milli þess að vilja gefa lífríkinu næringu og að vera á móti kvótakerfinu.

Einar K, er bífalningsmaður íhaldsins á Vestfjörðum og sparkar vonskulega í hundinn sinn Ingólf líkt og kóngsins maður forðum daga á Þingvöllum.

Sagan fer í tóma hringi.

[Jóhannes Ragnarsson, 27.2.2008 kl. 21:09]

Já Nilli, það er sennilega til lítils að skrifa kurteislega langhunda ofaní svona menn.

Svo má ekki gleyma að allir hundar migu utaní bífalningsmann danakonungs.

[Fríða Eyland, 28.2.2008 kl. 00:13]

Baráttukveðja

[Einar Vignir Einarsson, 28.2.2008 kl. 00:50]

Strákar Loðnan er ekki hetsa æti þorsksins.  Loðnan er einungis hluti af fæðukeðjunni á vissum árstíma.  Það er einnig Rækjan, Sandsíli, síld og fl.  Svo að þetta er ekki allskostar rétt hjá ykkur.  En það verður að vera jafnvægi á veiðum hinum ýmsum tegundum þar með töldum Hvölum.  En einnig veiðarfærum sem við erum að nota,og fisveiði kvótinn verður að vera réttur svo ekki sé um svona mikið brottkast eins og viðgengst hefur hér við land.  Svo getur líka verið að hitastig straumar og fl. séu að breyta ástandinu hér en það er ekki nægilega rannsakað,og menn eru ekki að hlusta á öll rök sem koma fram.

[Ívar Jón Arnarson, 28.2.2008 kl. 10:09]

Einhversstaðar heyrðist mér menn tala um að hvalurinn éti um 1.5 milljón tonna af loðnu á ári.

Er þá ekki komin forsenda fyrir hvalveiðum til að viðhalda viðkvæmu jafnvægi ? 

[Jóhann Elíasson, 28.2.2008 kl. 14:39]

Er ekki næst á dagskránni hjá HAFRÓ að endurskoða mælingarnar á stofnstærð Þorsks?