Kvennabein er ekki sama og mannabein

,,Hvern fjárann á nú þetta að þýða" varð mér á að hugsa þegar ég las meðfylgjandi höfuðkúpufrétt á mbl.is.

Það sem mér blöskrar þó helst við þessi ósmekklegu skrif, er að greinarhöfundur kallar bein þau er fundust á víðavangi í Kjósarhreppi ,,mannabein" þó að talið sé að um kvenbein sé að ræða. Og það var ekki laust við að mín fémíníska taug færi að kúgast af sannri fémínískri vandlætingu. 

Ég vona bara að Guð Almáttugur á Hymmnum Hátt, forði hinum róttæka fémínísta sem ætlar að bjarga heiminum, Sóleyju Tomm- fílíbomm-bomm-bomm, frá því að lesa þvílík býsn og karlpúngsrottuhátt, að kalla kvennabein mannabein.

Því miður, gott fólk (orðið ,,fólk" lesist með þýskum framburði að hætti norðlendinga), með hliðsjón af beinafréttinni út Kjós, á jabnréttisbaráttan og jafbnréttisumræðan langt í land með að verða viðunandi. Á sama hátt og sauðkind getur aldrei orðið að þarfanauti, þá geta kvennabein aldrei orðið að mannabeinum, hvernig sem farið er að.

Mannabein fundust á víðavangi í Kjósarhreppi

Athugasemdir

[Ólafur Kjartansson, 24.3.2008 kl. 11:26]

Hvað er maður? Ef menn láta enskuna rugla sig í ríminu þá svara menn: Karl. Ef hinns vegar er stuðst við íslenskuna þá spannar hugtakið yfir alla sem tilheyra mannkyni, karlmenn jafnt sem kvennmenn.

[Helga Guðrún Eiríksdóttir, 24.3.2008 kl. 11:35]

Þetta er greinilega mikið alvörumál.

[Jóhannes Ragnarsson, 24.3.2008 kl. 11:46]

Ójá, alvörumál er það, Helga Guðrún, svo sannarlega.

Ólafur minn Kjartansson, þú skilur greinilega ekki fémíníska orðabók.

[Hafsteinn Viðar Ásgeirsson, 24.3.2008 kl. 15:51]

Kvennabein þessi munu hafa verið húsmunir, "svo málið telst upplýst"?

Ólaf þarftu greinilega að taka í læri hvað orðabókina varðar. Þ.e. þessa femínisku....

[Jóhannes Ragnarsson, 24.3.2008 kl. 16:13]

Ég er búinn að vera að undra mig á því í allan dag hvað Ólafur karlanginn virðist vera utangátta í nútíma málvísindum. En hvort hann vill eitthvað læra af sér fróðari mönnum, skal ósagt látið.

[Hafsteinn Viðar Ásgeirsson, 24.3.2008 kl. 16:17]

Já Jóhannes, það er ekki laust við að það fari um mann yfir fáfræðinni... en Sóley er sem betur fer vel heima og á góðu róli í fræðunum, þarf enda á því að halda, mjög......

[Jóhannes Ragnarsson, 24.3.2008 kl. 16:27]

Hún Sóley lætur ekki að sér hæða, enda langt komin með að bjarga heiminum. Ég spái því að hún verði búin að bjarga honum fyrir næstu páska. Húr er sjálfsagt boðin og búin að taka Ólaf Kjartansson, vin okkar, í læri og leiða hann útúr myrkviðum fávísinnar.