Ráðist á frjálsa fjármálastarfsemi

Nokkuð gott hjá strákunum að ná sér í fáeinar milljóir útúr hraðbönkum, en öllu lakara hjá þeim að láta handtaka sig þegar þeir voru að fara úr landi til að skemmta sér fyrir afraksturinn. Auðvitað er það skammarlegt af hálfu yfirvalda að ráðast með þessum hætti á menn, sem með dugnaði og áræðni hafa komist yfir fjármuni sem þeir hafa augljóslega haft þörf fyrir. Svo segir í fréttinni af fjármálastarfsemi umræddra manna, að þeir hafi náð að ,,svíkja" útúr hraðbönkum á fjórðu milljón króna. Það er alveg dæmalaust smekklaust að nota orðið ,,svíkja" í þessu sambandi þar eð þarna er um að ræða ósköp venjulega fjáröflun peningaþyrstra athafnamanna.  

Sviku út milljónir

Athugasemdir

[María Kristjánsdóttir, 27.3.2008 kl. 08:45]

Já, löggan er ekki alveg klár á kennisetningunum!

[Hafsteinn Viðar Ásgeirsson, 27.3.2008 kl. 18:12]

Það er hinsvegar meira rannsóknarefni hvar þeir hafa ætlað að versla fyrir alónýta flotkrónu...?

[Ingibjörg Friðriksdóttir, 27.3.2008 kl. 19:10]

Hugtökin virðast ekki vera alveg á hreinu hjá þessum sem flytja okkur fréttirnar.  Svíkja, stela, ljúga, drepa, klúðra, svindla og o.s. frv.v. eru ekki alveg skýr.  Svo er ekki sama hver fremur.  Þú ert glæpamaður ef þú rænir banka, en ef þú gefur banka sem þú átt ekkert í, þá ertu stjórnmálamaður.  Ef þú tælir, lýgur eða felur sannleikann, þá getur þú allt eins verið stórfelldur heroininnflytjandi, smákrimmi, já eða bara opinber starfsmaður, eins og stjórnmálamaður. Og ef þú ert þessi stjórnmálamaður, ert Íslendingur, já, þá er ekkert við þetta að athuga.

Fyrigefið,  afsakið, ég var bara að skrifa upphátt.

[Hafsteinn Viðar Ásgeirsson, 27.3.2008 kl. 20:02]

...góð...