Rófubrotnaði á hálu svelli álfíknarinnar

Það mátti svo sem búast við því að eymíngjans kerlingarskarið hún Þórunn rynni á óærði endann á hálu svelli álfíknarinnar og slasaði sig.

Það átti semsé fyrir henni að liggja, að fara að eins og þjóðlegur framsóknarmaður í málafylgju sinni gegn íhaldinu: Sagði nei, sat svo hjá, en síðast já við öllu. Með öðrum orðum, er umrædd herkænska, úr vopnabúri framsóknar á þessa leið: Byrjað á að sýna andspyrnu, síðan látið sig hverfa hægt og hljótt af vettvangi - en skjóta svo upp kollinum á ögurstundu og samþykkja allt sem viðkomandi var á móti í fyrstu.

Æijá, eymingja kerlingin er komin á lemjandi flótta undan ,,Fagra Íslandi" sem og félagar hennar allir í sosialdemokratiska frjálshyggjuflokknum. En svona er lífið. 

Vill stjórnarskrárbreytingu

Athugasemdir

[Ásthildur Cesil Þórðardóttir, 3.4.2008 kl. 19:21]

Þetta er eitt af því aumkvunarverðasta frá þeim undanfarið, og er þó af nógu að taka. 

[Jóhannes Ragnarsson, 3.4.2008 kl. 19:39]

Það er víst ekki orðum aukið, Ásthildur, að þetta er verulega vesældarlegt, ekki síst í ljósi loforðaflaums Samfylkinarinnar fyrir síðustu kosningar.

[Örvar Þór Kristjánsson, 3.4.2008 kl. 22:34]

Hún gat ekki gert annað.  Rökrétt ákvörðun.

Svo er það annað mál að Álver í Helguvík er fagnaðarefni og bara glæsilegt fyrir svæðið.

[Jóhannes Ragnarsson, 3.4.2008 kl. 22:57]

Það er engan veginn borðliggjandi að hún hafi ekki getað annað. Hún hefði t.d. getað verið búin að lappa uppá ,,lagaumhverfið" sem hún ber fyrir sig að hafi staðið í vegi fyrir því að hún hafi ekki getað tekið þá ákvörðun sem hún vildi í raun og veru.