Sá ríkisrekni er ósnertanlegur eins og kaþólskur kirkjuhöfðingi

Það var og.

Þrátt fyrir að rektor segi að vinnubrögð Hanezar H. hafi rýrt traust Háskóla Íslands og framferði hans sé háskólanum áfall, er ekkert hróflað við nefndum Hanezi; hann ekki einusinni áminntur, hvað þá rekinn eins og beinast liggur við. Af þessu má sjá, að Hanez Hólmstone Gissurarson er ósnertanlegur eins og kaþólskur kirkjuhöfðingi og getur valsað að vild um alla króka og kima hins opinbera eins og honum þóknast.

Skýringin á fyrirliggjandi silkihanskameðferð á ríkisrekna frjálshyggjumanninum liggur svo sem í augum uppi: Kristínu háskólarektor, og eflaust fleirum, hefur að sjálfsögðu verið tilkynnt, utan dagskrár, að hún fengi að vita hvar Davíð keypti ölið, ef hún skerti svo mikið sem eitt hár á höfði hins ríkisrekna.

Mér finnst borðliggjandi, að starfsfólk og nemendur Háskóla Íslands rísi upp, að hætti kraftmikilla vöruflutningabifreiðastjóra, og afhrópi ríkisrekna frjálshyggjuprófessorinn frá háskólanum í eitt skipti fyrir öll.

Átelur vinnubrögð Hannesar

Athugasemdir

[Skarfurinn, 3.4.2008 kl. 21:43]

Mér sýnist Kristín rektor alls ekki starfi sínu vaxin, hún þorir greinilega ekkert að gera í málinu eftir allan þann umhugsunarfrest sem hún tók sér, erlendis fjúka menn fyrir ritstuld, maðurinn er þó prófessor ekki satt ?

[Jóhannes Ragnarsson, 3.4.2008 kl. 22:15]

Það á víst að heita svo að Hanez sé prófessor, en í raun og veru er hann bara ríkisrekinn frjálshyggjumaður.

Það væri mikið gustukarverk að láta Einkavæðingarnefnd bjóða karlgarminn út á almennum hlutabréfamarkaði.

[Hafsteinn Viðar Ásgeirsson, 3.4.2008 kl. 23:23]

Þjófóttur frjáshyggjumaður? það er svakaleg eiturblanda Sveinn, mér finnst það ekki spennandi tilhugsun...

[Jóhannes Ragnarsson, 4.4.2008 kl. 07:28]

Að það geti verið að hann búi í gámi niðrí bæ? Ef svo er, þá lítur út fyrir að ástandið sé verra en margan grunaði.

[Auðun Gíslason, 4.4.2008 kl. 09:14]

Gott er að eiga góða að!  Hann bjó við Hringbrautina, "og gerði grín að þessu og skellhló."(Megas).  Já, og býr enn!

[Rúnar Sveinbjörnsson, 4.4.2008 kl. 23:26]

Er Hannes ekki eini Íslendingurinn sem býr í alsnægtaþjóðfélagi sósíalismans? Betra er einn en enginn eða.... Trúlega er vitlaust gefið.

[Jóhannes Ragnarsson, 5.4.2008 kl. 09:56]

Jújú, Hanez á því láni að fagana að vera kommúniskt ríki útaf fyrir sig.