Aðilar saurguðu Árnessýslu með viðbjóðslegu framferði

Það er naumast hvað Aðilar hafa látið að sér kveða á Selfossi, sjálfu höfuðvígi stjörnusýslumannsins Stones, í nótt. Og ég sem var farinn að halda að ekki nokkur maður eða Aðili, fullur eða ófullur, þyrði fyrir sitt litla líf að ganga í berhögg við landsins lög í umdæmi herra Stones. En þar hefi ég heldur betur farið villur vega.

Það nær náttúrlega ekki nokkurri andskotans átt, að fólk, í þessu tilfelli Aðilar, skuli voga sér slíka ósvífni að taka uppá að synda um miðja nótt, og það í sundhöll. Svo var þetta óskemmtilega fólk búið að forða sér þegar húskarlar herra Stones komu á vettvang, svo að nú verður herra Stones sjálfur, að eyða sunnudeginum í að leita þessara viðbjóðslegu Aðila, sem saurguðu Sundhöll Selfoss, og þar með alla Árnessýslu, í nótt. 

Og til að bæta gráu ofan á svart voru tveir Aðilar teknir moldfullir við akstur bifreiða sinna, svo að segja uppi í nefinu á yfirvaldi árnesinga. Ég er ansi hræddur um að stjörnusýslumaðurinn Stones verði að gera betri bæn, ef honum er umhugað að koma á einhverjum lágmarksskikk á hinu flata Suðurlandi.  

Skelltu sér í nætursund

Athugasemdir

[Njörður Helgason, 20.4.2008 kl. 11:37]

Sónsarinn verður líklega að kalla til víkingasveitina. Það er starfsháttur löggu Árborginga.

Víkingasveitin vökti í vetur hóp útlendinga af værum svefni og héldu þeim í gólfinu með byssuhlaup við höfuð þeirra eftir að einhver hafði hringt í lögguna og tilkynnt um byssuhvell. Þetta var í kring um áramótin. Þú veist bombur og rakettur.

[Hafsteinn Viðar Ásgeirsson, 20.4.2008 kl. 12:32]

Það eru ekki teknar út með sældinni helgarnar hjá Þvaglegg, gríðarlegt álag vegna Aðila á svæðinu. Það væri eitthvað ef það væru Aðilar hérna við ströndina líka? Hér hefur löggæsla nefnilega verið aflögð með nýju skipuriti Björns yfirhershöfðingja til Þvagleggs löggu...

[Sigurður Sveinsson, 20.4.2008 kl. 12:51]

Sem ósköp venjulegur Aðili hér í Árborg var ég snemma á fótum. Dreif mig út, en ég sá  hvorki sýsla með stóru húfuna, né nokkurna annan grunsamlegan Aðila.

[Eyjólfur Jónsson, 20.4.2008 kl. 15:59]

Ég vissi það!. Þetta voru Hversingar að þvo sér eftir áramótabrennuna og meðfylgjandi fylliríi sem endaði á föstudaginn þegar Gústi M. mætti að venju með veiðileifin handa Þorsklingum á Hversingana og sértrúarhálfguði úr Hafnarfyrði. Þetta vita allir og er ekkert fréttnæmt!!

Wolfang 

[Bergþóra Jónsdóttir, 21.4.2008 kl. 11:02]

Aðilar eru frægir að endemum og leynast víða.

[Jóhannes Ragnarsson, 21.4.2008 kl. 12:15]

Sennilega er orðið tímabært að afmá þessa bannsettu Aðila. Þjóðarlíkaminn þolir bókstaflega ekki svona helvískar færilýs.