Sluppu við vist á fábjánahæli í Kanada

Ég er hræddur um að Færeyingarnir sem höguðu sér eins og fífl, með danstilburðum og öðrum ólátum á flugvellinum í Toronto, megi þakka sínum sæla fyrir að vera ekki teknir úr umferð og vistaðir á fjábjánahæli. En þar sem fárvirði geysaði og sennilega fullbókað á öllum vistheimilum fyrir svona fólk, sluppu Færeyingarnir við að komast undir mannahendur. Ef ég þekki yfirvöld Toroto rétt, hefðu þeir ekki tekið á dansfíflunum með neinum silkihönskum. Og ekki hefði stoðað fyrir Færeyingana að bera fyrir sig að þeir væru Færeyingar, torontoyfirvöld hefðu ekki tekið þessháttar fyrirslátt til greina. En því miður fór svo að lokum, að Færeyingarnir komust leiðar sinnar áður en lögreglan hafði höndur í hári þeirra. 

Stigu hringdans í flugstöðinni

Athugasemdir

[Bumba, 16.6.2008 kl. 12:37]

Ja Jóhannes, að þú skulir segja þetta. Þú kannt ekki gott að meta. Með beztu kveðju.

[Jóhannes Ragnarsson, 16.6.2008 kl. 12:50]

Það er fjarri mér að kunna gott að meta, það segir sig sjálft. En það er samt hroðalegt að horfa uppá Færeyinga þegar helvískur dansgállinn er á þeim, a.m.k. dettur mér alltaf vitlausraspítali í hug þegar ég sé þennan fjanda.

[...désú (IP-tala skráð) 16.6.2008 kl. 12:51]

Já alveg hreint ótrúleg framkoma hjá fólki að gera gott úr slæmri aðstöðu og sýna af sér hamingju og lífsgleði... ef þetta hefðu verið Íslendingar þá hefðu þeir aldrei verið með slík fíflalæti heldur bara borið gæfu til að röfla í einhverju horninu þar til þeir gætu verið dónalegir við flugþjónana á meðan þeir skelltu í sig brennivíninu.

[Jóhannes Ragnarsson, 16.6.2008 kl. 12:53]

Já, Désú minn, Íslendingar kunna að höndla tafir á útlenskum flugvöllum með þeim glæsibrag sem þeir eru kunnir fyrir.

[egvania, 16.6.2008 kl. 14:01]

Já það eru nú meiri ósköpin sem Færeyingar létu dynja yfir veslingsfólkið, þetta hefur bæði verið sjónmengun og hávaðamengun.

Hvernig er þetta orðið má ekki sýna lífsgleði og dansa og syngja sér til dægrastyttingar ég segi nú bara FLOTT FÆREYINGAR lifið og njótið lífsin

[Jóhannes Ragnarsson, 16.6.2008 kl. 18:06]

Þú þekkir greinilega ekki Færeyinga, Ásgerður mín.