Frú Víðis lætur vaða á súðum

Djöfull held ég frú Sigríður Víðis láti vaða á súðum í greininni um hamingju og snilld Íslendinga í greininni sem nú er búið að snúa á ítölsku og birta í hinu virta vikublaði L´Espesso. Ekki er t.d. um of að ætla, að frú Víðis tíundi efnahags- og fjármálasnilld Íslendinga, drykkjuskap þeirra og einkavinavæðingu í ritverki sínu. Trúlega drepur frú Víðis líka á hvernig örfáir heiðursmenn sölsuðu undir sig fiskveiðiauðlindina, þrátt fyrir að hún sé sameign fólksins í landinu, og hvað Ítalska mafían gæti lært af þeim snilldarvinnubrögðum. Þá vona ég að frúin hafi ekki látið undir höfuð leggjast, að gera Baugsmálum og REI rækileg skil, sem og örlögum dansherrana Davíoddssonar og H. Ásgrímssonar og timburmannana sem þjóðin er að taka út þessa dagana eftir buslugang þeirra og ólæti þegar allt lék í lyndi í ríkisstjórn þeirra félaga.

Viðurkennum ekki annað en hamingju

Athugasemdir

[Sigurður Þorsteinsson, 22.7.2008 kl. 18:49]

Velti því fyrir mér hvort sé ekki djöfullegt að búa í Ólafsvík. Það var einu sinni einhver Finnbogi sem var fréttamaður hjá Rúv á Vestfjörðum. Þá var allt að fara til andskotans, fyrir vestan. Síðan fór Finnbogi og hefur sennilega tekið andskotann með sér, því ekki hefur féttst af honum þar síðan. Sá skratti er sennilega fluttur til Ólafsvíkur. Segðu mér Jóhannes, hvar bjóstu áður, en þú fluttir til Ólfasvíkur?

[Jóhannes Ragnarsson, 22.7.2008 kl. 19:07]

Þessi ,,einhver Finnbogi" er Hermannsson og bjó á Ísafirði og gerir það ef til vill enn.

Í Ólafsvík er ágætt að búa, þú þarft ekki að hafa áhyggjur af því.

En Skrattann og Andskotann máttu eiga sjálfur, þeir eru áreiðanlega vel settir til heimilis hjá þér, laxmaður. 

[Sigurður Þorsteinsson, 22.7.2008 kl. 19:12]

Heil og sæll Jóhannes. Mér finnst vanta einhvern hamingjutón í þetta blogg hjá þér. Þess vegna grunaði mig að þeir félagar væru einhvers staðar þarna í nágrenninu.

Þú gleymdir að svara mér hvar þú bjóst áður

[Jóhannes Ragnarsson, 22.7.2008 kl. 20:13]

Ég hef búið mest alla mína hundstíð í Ólafsvík og nágrenni, að undanskildum átta árum sem notaði til að kanna þann heim sem við tekur þegar Snæfellsnesinu sleppir. Þrjú síðustu árin í þeirri útlegð bjó ég í Reykjavík.

[Sigurður Þorsteinsson, 22.7.2008 kl. 21:51]

Það er forréttindi að búa á Snæfellsnesi, gríðarlega fallegt þar. Svo hafið þið Víkingana. Þessi þjóð þarf ekki á bölmóð að halda. Við þurfum ekki á atvinnuleysi að halda. Bölmóðurinn og svartsýnin skaðar þá í þjóðfélaginu sem síst skyldi. Ég og þú tökum ekki þátt í þeirri niðurrifsvinnu.