Erótískt ölvunarástand í gluggaboru

Óttalegur apaköttur hefur manngarmurinn verið að leggja á sig að klifra upp húsvegg til þess eins að skríða inn hjá kunningja sínum. Hefði það verið kvenmaður sem maðurinn ætlaði að heimsækja hefði málið litið öðruvísi við. Það hefur löngum verið siður knárra kappa í erótísku ölvunarástandi að smokra sér innum glugga hjá heitu kvenfólki og kóróna þar með konunglega næturskemmtun. Raunar hafa ófáir slíkir valið sér helst til þröngar gluggaborur og setið þar fastir á belgnum, jafnvel klukkustundum saman. En þegar karlmaður reynir að skríða innum glugga til annars karlmanns um hánótt, þá er það ósómi af versta tagi. Í Sódómu og Gómorru hafði karlpeningurinn tekið upp þennan sið og allir vita hvernig það fór. Ekki trúi ég því að Reykjavík vilji espa Guð svo upp, að hann afgreiði hana á sama hátt og ofangreindar borgir.

Prílaði upp svalir

Athugasemdir

[Sigurbjörn Friðriksson, 27.7.2008 kl. 17:27]

Ég reyndi einu sinni að klifra upp þakrennurör til að ná á svalirnar hjá stelpu sem ég hélt að ég væri skotinn í.  Eitthvað var ég klaufalegur, þannig að fólk varð vart við mig.

Karl faðir hennar kom út á svalirnar með vatnsfötu og hellti fyrir strákinn sem réghélt sér í rennurörið.  Ég missti takið og datt ofani blómabeð fyrir neðan.

Ég fékk engar bætur.  Ekki einusinni nýjar buxur, en moldin í blómabeðinu eyðilagði mínar.

Kveðja, Björn bóndi  ïJð

[Jóhannes Ragnarsson, 27.7.2008 kl. 20:48]

Hefði ég verið sá gamli, sem vildi varðveita meydóm dóttur sinnar, hefði ég kært þig fyrir að eyðileggja blómabeðið, fyrir nú utan að karlinn hefði átt að kasta af sér vatni á naglann sem hékk í þakrennunni í stað þess að hella yfir hann hreinu vatni úr fötu. En kanske hefur hann ekki haft tíma til að íhuga málið áður en hann greip til fötunnar.

[Ingibjörg Friðriksdóttir, 27.7.2008 kl. 21:20]

Alltaf samur við þig.

[Jóhannes Ragnarsson, 27.7.2008 kl. 22:02]

Nema hvað.

Bíddu nú við: Nema afturábak er Amen. Skrítið.