Staðfest að Angelína lagðist með Pútín

Ekki kemur mér á óvart þó drenghróið líkist rússanum Pútín endar er hann undan honum og engum öðrum. Það er vitað að frá barnæsku hefur Vladímír Pútin verið frábærlega slóttugur og komið víða við. Hann veit til dæmis uppá hár hvernig kvikmyndaleikonur skulu legnar með fyrirtaksárangri, svo sem sjá má á litla Pútín sem skaust úr kviði Angelínu Jólí þann 12. júlí 2008.

Á þessari stundu minnist ég allt í einu Málhildar Másdóttur, en hún eignaðist líka tvíbura eins og Angelína. Og Málhildi varð ekki skotskuld úr að fá ungunum sínum tveimur eina sjö feður. Og það sem meira er: Tvíburarnir líkjast feðrum sínum sjö svo mikið að undrun sætir þrátt fyrir að þeir séu svo að segja allir sinn úr hvorri áttinni. 

Segir soninn hafa líkst Pútín

Athugasemdir

[Sigurður Sigurðsson, 4.8.2008 kl. 17:22]

Gaman að hitta hér bloggara sem hefur ekki kastað trúnni. En hvernig getur kommúnisti búið í Ólafsvík?

En í öllu falli, þér vaski kappi: Lifi byltingin!

[Jóhannes Ragnarsson, 4.8.2008 kl. 20:08]

Góður kommúnisti getur búið hvar sem er, ef útí það er farið, meira að segja í Ólafsvík!

Og auðvitað tek ég undir: Lifi byltingin!